Hunergeha Welat klîbek nû belav kir: Klîb behsa bîranîn û bajarê Qamişlo dike

2023-06-08 10:26:40


	NAVENDA NÛÇEYAN - Hunergeha Welat vê carê jî klîba “Li Qamişlo Li Ber Derî” bi temaşevan û guhdarên xwe re parve kir. Klîbek xweşik û balkêş e. Îbrahîm Feqe got ku ev stran û klîb behsa bîranîn û bajarê Qamişlo dike, behsa pêkhateyên li Qamişlo dike. 

	Hunergeha Welat bi klîbek nû li pêşberî temaşevan û guhdarên xwe ye. Hunergeha Welat vê carê strana “Li Qamişlo Li Ber Derî” û bi dîmenên xweşik klîbek amade kir û li ser hesabên xwe yên medya dîjîtal belav kir. Şêro Hindê derhêneriya klîbê kiriye û hosteyê muzîkê Mehmûd Berazî jî melodî ango muzîka stran-klîbê amade kiriye. 

	 

	Wek klîbên din ên Hunergeha Welat dîsa komek lîstikvan û kesên ked dane klîbê cih digirin. Klîb di 7’ê hezîrînê de li ser tevna civakî hat belavkirin û gelek kes jî li ser hesabên xwe yên medya dîjîtal parve dikin. 

	 

	
		STRAN-KLÎB BEHSA CIVAKÎBÛNA QAMIŞLO DIKE 
	
		 
	
		
			Amadekarê klîbê Îbrahîm Feqe ji ajansa me re axivî û diyar kir ku ev stran û klîb behsa bîranîn û bajarê Qamişlo dike, behsa pêkhateyên li Qamişlo dike û hinek bîranînên taybet ku li taxên Qamişlo qewimîne raxistine ber çavan. Feqe da zanîn ku stran bi şêwazek pêkenî, qerf û kêfxweşî hat çêkirin. Feqe anî ziman ku di stranê de behsa Amerîka, Moskova, Parîs û Romayê tê kirin û ew wan welat û bajaran didin ber bajarên kevnare yên li Kurdistanê û Rojhilata Navîn ku bi hemû pêkhateyên xwe dîrokî û kevnar in û bal dikişîne ser ferqa civakîbûna li ber mal û hewşên kurdan û welatên din. Feqe destnîşan kir ku ew bi klîbê-stranê dixwazin behsa ruhê jiyana li bajarê Qamişlo û hemû bajarên din bikin. Feqe anî ziman ku wan di klîbê de hest û têkiliyên paqij ên xelkê bajêr derxin pêş. 
	


	 

	Gotinên stranê wiha ne:

	 

	“Wey bihûrî bihûrî bihûrî

	Porê wan qîza sorî

	Xecê ya herî jorî 

	ew ji taxa xanîka oy oy oy oy

	Taxê nadi bi emrîka 

	Emrîka zipî zuwa 

	kes rûnanê li ber derî oy oy oy oy

	Ken û eşq bi hêdîka oy oy oy oy

	 

	Wey buhûrî bihûrî bihûrî

	Qamqutê li min kir zorî

	Li ba dikir gulya morî

	Kinê ji dor aşê bûzê oy oy o oy oy

	Malê nade bi parîsê 

	Parîsa vikî vala 

	Kes rê nade hevala oy oy oy oy oy

	Mala kinê wek lîsê oy oy oy oy oy

	 

	Wey bihûrî bihûrî bihûrî

	Di kar û sê hevorî 

	Şivana wan pir nazî 

	Nazliyê ji mêrga hilko oy oy oy oy

	Ew hilko nade bi mosko

	Moskoya şilfî tazî 

	Kes tuneye li sûka oy oy oy oy oy

	Qir û cirra van bûka oy oy oy oy

	 

	Wey hûrî bihûrî bihûrî

	Xaçê gerdenê bimorî

	Marî keçka aşûrî

	Ew kulîlka bişêriyê oy oy oy oy oy

	Bişêriyê nade bi roma 

	Romaya polî poşman 

	Lê tune malek kildan oy oy oy oy

	Ne jî cîranek suriyan oy oy oy oy oy” 

	 

	Lînka klîbê wiha ye: https://www.youtube.com/watch?v=06LlkqoABp8