
Tifaqa Ked û Azadiyê protokola xwe pêşkêşî YSK’ê kir

2023-03-24 16:44:14


	ENQERE - Tifaqa Ked û Azadiyê protokola xwe ya tifaqa hilbijartinê pêşkêşî Desteya Hilbijartinê ya Bilind kir.&nbsp;

	&nbsp;

	Tifaqa Ked û Azadiyê ji bo hilbijartinê zend û bendê xwe girê da. Tifaqê protokola xwe ya hilbijartinê pêşkêşî Desteya Hilbijartinê ya Bilind (YSK) kir. Ji Partiya Çep a Kesk Dursun Bektaş, ji Partiya Kedê (EMEP) Selma Gurkan, ji Partiya Karkeran a Tirkiyeyê (TÎP) Eren Gonen ku wê di bin sîwana Tifaqa Ked û Azadiyê de biçin hilbijartinê, protokola hilbijartinê li ser navê partiyên xwe pêşkêşî YSK’ê kirin. &nbsp;Nûnerê YSK’ê yê HDP’ê parlamenter Mehmet Ruştu Tiryakî jî li gel nûnerên her sê partiyan çû YSK’ê.&nbsp;

	&nbsp;

	Protokol ji aliyê nûnerê partiyên û YSK’ê Ahmet Yener ve hat îmzekirin. Yener piştre pênûs diyarî nûnerên partiyan kir.&nbsp;

	&nbsp;

	Nûnerê partiyan piştî ku protokola xwe pêşkêş kirin ji avahiya YSK’ê veqetiyan.&nbsp;

	&nbsp;