
ROJEVA 18'Ê COTMEHA 2024'AN  

2024-10-18 09:00:02


	&nbsp;

	&nbsp;

	&nbsp;

	* Lijneya Çavdêrî û Îdareyê ya Girtîgeha Tîpa T a Aksarayê tevî biryara dadgeha înfazê jî berdana Tamer Tankikûlû yê 30 sal in girtî ye 6 mehan dirêj kir.&nbsp;

	&nbsp;

	* Endama Komîsyona Girtîgehan a ÎHD’ê parêzer Zeynep Ceren Boztoprak bal kişand ser cezayên ji ber pereşandina ji girtîgehê re tên dayin û wiha got: “Em jî li dijî vê kampanyayê didin destpêkirin. Di vê çarçoveyê de dê ji gelek girtiyan re pereyan bişînin.”&nbsp;

	&nbsp;

	* Hatibû îdiakirin ku li Girtîgeha Tîpa E ya Mêrdînê Mizgîn Acarê hewl daye ku “întîhar bike” û Îbrahîm Bogûrcû bi derbaskirina krîza dil jiyana xwe ji dest daye. Parêzer Azad Kaya anî ziman ku divê binpêkirinên di van bûyeran de qewimîne bên aşkerekirin.&nbsp;

	&nbsp;

	* Endama Komîteya Jinan a Rêveberiya Xweser Emîne Omerê diyar kir ku Reqa ya ku DAIŞ'ê ew veguherandibû "bajarê mirinê" û bi rizgarkirina wê re cardin gihaştiye rengê jiyanê û got ku dirûşmeya vê şoreşê "Jin, jiyan, azadî" li hemû cîhanê belav bûye.

	&nbsp;

	* Parêzerên OHD'ê li girtîgehên Balikesîr û Îzmîrê bi girtiyan re hevdîtin kirin û diyar kirin ku mafên wan ên tenduristî û jiyanê tên binpêkirin û xwestin pirsgirêk bên çareserkirin.

	&nbsp;

	* Dokûmentera “Destên Tarî” ku tora sîxuriyê ya li rojavayê Kurdistanê êriş û sûîqestan plan dikir eşkere dike. Pêşkêşvanê dokûmenterê Alan Meîş diyar kir ku kesên ku ketine nava xefk ango tora sîxuran ji aliyê Parastin-ENKS û MÎT’ê ve bi hevkarî tên birêvebirin û parastin.&nbsp;

	&nbsp;

	* Dîroknas-nivîskar Erdogan Aydin rageşiya li Rojhilata Navîn nirxand û got: “Tenê kurd têkildarî pêşeroja herêmê pêşniyara çareseriyê dikin. Çareseriya pirsgirêka li Rojhilata Navîn, konfederalîzm e.”&nbsp;

	&nbsp;

	* Fûara Pirtûkên Kurdî ya li Êlihê dê berdewam bike. (09.00-20.00)&nbsp;

	&nbsp;

	* Danişîna 8’emîn a doza têkildarî êrişa li dijî Malbata Şenyaşar hatiye vekirin dê di 3’yemîn Dadgeha Cezayê Giran a Meletiyê bê lidarxistin. (10.00-17.00)&nbsp;

	&nbsp;

	* Hevserokên Giştî yên DEM Partiyê Tulay Hatîmogûllari û Tûncer Bakirhan dê li navenda giştî ya partiya xwe bi sendîkayên teqawîtan re hevdîtinê bikin. (14.00)&nbsp;

	&nbsp;

	&nbsp;

	&nbsp;

	&nbsp;

	&nbsp;