
Wesayîta bizirx a anîn cihê nobetê piştî bertekê paşve kişandin  

2024-11-07 12:10:06


	&nbsp;

	RIHA - Berxwedana xelkê Xelfetiyê ya li dijî qeyûm di roja çaremîn de didome. Wesayîta bizirx a polîsan anîn cihê nobetê, piştî bertekan paşve hate kişandin.&nbsp;

	&nbsp;

	Bexwedana xelkê Xelfetî ya Rihayê ya li dijî tayînkirina qeyûm di roja 4’emîn de didome. Avahiya şaredariyê bi bariyer, 3 TOMA, bi dehan wesayîtên bizirx û bi sedan polîsan hatiye dorpêçkilrin. Polîsan îcar jî xwestin wesayîteke bizirx bibin qada nobetê. Welatiyan jî bertek nîşan dan.&nbsp;

	&nbsp;

	Polîsan îdia kirin ku li ser fermanê wan wesayîta bizirx anîne û ji bo ewlehiyê wisa dikin. Hevşaredarê Xelfetiyê Mehmet Karayilan bertek nîşan da û got: “We şaredariya me dagir kiriye. Ev besî we nake ku hûn niha jî hewl didin qada me ya berxwedanê dagir bikin.”&nbsp;

	&nbsp;

	Parlamentera DEM Partiyê ya Dêrsimê Ayten Kordu jî wiha bertek nîşan da: “We şaredariya gel xesp kir. Hûn çi bikin jî em ê li vir bin. Em ê li ber xwe bidin. Em ê bi tu cihekî ve neçin. Ev tevdîra hûn dikin zext e. Tavilê wesayîta xwe ji vir bibin.”&nbsp;

	&nbsp;

	Piştî bertekan, wesayîta bizirx ji qadê hate dûrxistin.&nbsp;

	&nbsp;

	Berxwedana gel a li pêşiya şaredariyê didome. Parlamenterên DEM Partiyê çûn serdana taxa Goganê û her kes vexwend berxwedanê.&nbsp;