
Tifaqa Dêrsimê ji bo piştevaniyê çû serdana Sarigul 

2024-11-25 14:59:25


	DÊRSIM - Pêkhateyên Tifaqa Dêrsimê ji bo piştevaniyê çûn serdana Şaredarê Pulurê Mûstafa Sarigul û gotin ku dê xwedî li dîroka xwe ya têkoşînê derkevin.&nbsp;

	Şandeyeke Serokwekîla Koma Partiya Wekhevî û Demokrasiyê ya Gelan (DEM Partî) Gulistan Kiliç Koçyîgît, parlamenter, rêveberên Komeleyên Demokratîk ên Elewiyan (DAD), Hevberdevkê Kongreya Demokratîk a Gelan (HDK) Alî Kenanoglû û pêkhateyên Tifaqa Dêrsimê jî di nav de ji bo piştevaniyê çûn serdana Şaredarê Pulurê Mûstafa Sarigul ku li şûna wî qeyûm hatiye tayînkirin.&nbsp;

	&nbsp;

	Serdan li pêşiya şaredariyê hate kirin. Sarigul di serdanê de ji ber piştevaniyê spasî kir û got ku dê teslîmî polîtîkayên qeyûman nebin.&nbsp;

	&nbsp;

	'EM Ê XWEDÎ LI DÎROKA XWE DERKEVIN’&nbsp;

	&nbsp;

	Hevşaredarê Dêrsimê Cevdet Konak ku li şûna wî qeyûm hatiye tayînkirin jî da zanîn ku ji serdema Osmaniyan heta niha Pulur rastî zilmê hatiye û ew ê li dijî vê zilmê li ber xwe bidin. Konak, got ku Pulur mîrasa Seyîd Riza û hevalên wî ye, ew ê bi berpirsyartiyên xwe yên dîrokî rabin û xwedî li têkşîna xwe ya dîrokî derkevin.&nbsp;

	&nbsp;

	'EM Ê BI BERXWEDANÊ BI SER KEVIN’

	&nbsp;

	Serokwekîla Koma DEM Partiyê Gulistan Kiliç Koçyîgît jî diyar kir ku bi rêya fermanên ji dadgehan re hatine şandin îradeya gel hatiye xespkirin û ew ê li dijî vê xespê mil bidin milê hev û bi berxwedanê bi ser kevin.&nbsp;

	&nbsp;

	'EM Ê SERÎ NETEWÎNIN’

	&nbsp;

	Hevseroka Giştî ya DAD’ê Kadriye Dogan jî anî ziman ku ew ê xaka xwe teslîm nekin û serî netewînin.&nbsp;

	&nbsp;

	Serokê EMEP’ê yê Dêrsimê Ergîn Tekîn, endamê Lijneya Rêveberiya Navendî ya ESP’ê Orhan Çelebî û Nûnerê SMF’ê Hasan Geçgîn jî dan zanîn ku ew ê serî li ber polîtîkaya qeyûman netewînin û dê têkoşîna xwe mezin bikin.&nbsp;

	&nbsp;

	Piştî daxuyaniyê, şande ber bi navenda Dêrsimê ve bi rê ket.&nbsp;

	&nbsp;