
Derket holê ku kesê bi tiryakê hatî girtin cerdevan e 

2024-12-07 16:09:29


	&nbsp;

	MÊRDÎN - Derket holê ku ji kesên li Mêrdînê bi 15 kîlo û 850 gramên tiryaka sentetîk hatine girtin yek jê xebatkarê qadê yê MÎT’ê û yek jî cerdevan Abdurrahîm Kurga ye.&nbsp;

	&nbsp;

	Di 20’ê Cotmehê li Mêrdînê TIR’ek hate sekinandin û di TIR’ê de 15 kîlo û 850 gramên tiryaka sentetîk hatin desteserkirin. TIR, ji hêla polîsan ve hate sekinandin û 2 kesên hatin binçavkirin, hatin girtin. Walîtiya Mêrdînê jî têkildarî mijarê di 22’yê cotmehê de daxuyanî da û got ku kesek hatiye girtin û agahiyên têkildarî nasnameya kesên din de jî neda.&nbsp;

	&nbsp;

	YEK JÊ XEBTAKARÊ MÎT’Ê Û YEK JÎ CERDEVAN E&nbsp;

	&nbsp;

	Lê belê li gorî agahiyên hatine bidestxistin, têkildarî bûyerê 2 kes hatine girtin û yek ji wan xebatkarê MÎT’ê yê qadê Alaattîn Yilmaz û yê din jî Abdurrahîm Kurga ye ku li herêma Mîlanê ya Qoserê cerdevantiyê dike.&nbsp;

	&nbsp;

	WÊNEYÊ BI SOYLU RE DERKET

	&nbsp;

	Her du kes jî hêj li Girtîgeha Tîpa E ya Mêrdînê tên ragirtin. Wêneyê Abdurrahîm Kurga bi wezîrê karên hundir ê berê Suleyman Soylu re derket ku navê wî bi rêxistinên sûc tê zanîn.&nbsp;

	&nbsp;