
Danişîna rojnameger Zeynep Kuray hat taloqkirin 

2024-12-12 11:21:21


	&nbsp;

	STENBOL - Doza rojnameger Zeynep Kuray ku ji ber parvekirinên li ser medyaya dijîtal bi îdiaya “Propagandaya rêxistinê” hatibû vekirin, hate taloqkirin.&nbsp;

	&nbsp;

	Yekemîn danişîna doza ku di navbera salên 2014-2023’an de bi hinceta “Propagandaya rêxistinê” li rojnameger Zeynep Kuray hatibû vekirin, li 26’emîn Dadgeha Cezayê Giran a Edliyeya Stenbolê ya Çaglayanê hat lidarxistin. Di danişînê de Zeynep Kuray û parêzera wê Hazal Sumeli amade bûn. Danişîn, piştî tespîtkirina nasnameyan dest pê kir.

	&nbsp;

	Zeynep Kuray îdiayên derheqê wê de tên kirin red kir û got: “Ev doz nikare bibe dozeke propagandayê. Ev doz xebateke rojnamegeriyê ye. Ji ber vê yekê ev doza azadiya derbirînê ye."

	&nbsp;

	Parêzer Hazal Sumelî ji bo lêkolîna dosyayê dem xwest.

	&nbsp;

	Dadgehê daxwaza demê ya parêzer Hazal Sumelî qebûl kir û danişîn taloqî 4'ê Adara 2025'an kir.

	&nbsp;