
Li Kanîreşê otobûsa rêwiyan wergeriya: 2 kes mirin, 16 kes birîndar bûn 

2024-12-24 11:01:49


	&nbsp;

	NAVENDA NÛÇEYAN - Li navçeya Kanîreşê ya Çewligê otobûsa rêwiyan wergeriya û di qezayê de 2 kesan jiyana xwe ji dest dan û 16 kes jî birîndar bûn.&nbsp;

	&nbsp;

	Li navçeya Kanîreşê ya Çewligê ji ber barîna berfê û cemedgirtina erd, otobûseke rêwiyan ji kontrolê derket û wergeriya. Di qezayê de welatiyê bi navê Zekî Tuncel (26) û hevjîna wî Emîne Tuncel (20) jiyana xwe ji dest dan û 16 kes jî birîndar bûn. Hat zanîn ku Osman Zekî Tuncel bijîşk bû û nû hatiye tayînkirin.&nbsp;

	&nbsp;

	Li gorî agahiyan; qeza saet derdora 00.30’ê li devera gundê Kumbetê ya navçeya Kanîreşê çêbû. Otobûsa rêwiyan a ji navçeya Çayelî ya Rîzeyê diçû Mêrsînê, ji ber barîna berfê û cemedgirtina erdê wergeriya. Li ser îxbarê, komên tenduristiyê sewqî herêmê hatin kirin. Birîndar, piştî mudaxileya ewilî rakirin Nexweşxaneya Dewletê ya Kanîreşê.&nbsp;

	&nbsp;