
Êrişên ser Bakur û Rojhilatê Sûriyeyê didomin

2025-01-10 13:53:31


	&nbsp;

	NAVENDA NÛÇEYAN - Êrişên dewleta tirk û koma wê ya paramîlîter SMO’yê yên li ser Tişrîn, Sirîn û Til Temîrê didomin. Çalakiya nobetê ya ji bo sekinandina êrişan hatiye destpêkirin jî di roja 3’yemîn de didome.&nbsp;

	&nbsp;

	Êrişên dewleta tirk û koma wê ya paramîlîter SMO’yê yên li ser Bakur û Rojhilatê Sûriyeyê ji 27’ê Mijdarê heta niha bênavber didomin.&nbsp;

	&nbsp;

	SIRÎN

	&nbsp;

	Dewleta tirk û koma paramîlîter ji saetên serê sibehê ve navçeya Sirînê û derdora wê 3 caran bombebaran kirin. Di bombebaranê de enbarên genim hedef hatin girtin û hatin tunekirin.&nbsp;

	&nbsp;

	BENDAVA TIŞRÎNÊ

	&nbsp;

	Derdora Bendava Tişrînê ku gel nobetê lê digire jî hate bombebarankirin. Dewleta tirk û koma wê ya paramîlîter gundên herêma Bendava Tişrînê bombebaran dikin. Li gorî nûçeya ANHA’yê, têkildarî encamên êrişan agahî nehatin bidestxistin.&nbsp;

	&nbsp;

	Meclisa Leşkerî ya Minbicê jî bersiva êrişan da û li bakurê bendavê pervçûn hene. Şervanan, wesayîteke koma paramîlîter îmha kirin. Pevçûnên dijwar ên li herêmê didomin.&nbsp;

	&nbsp;

	NOBETA GEL DIDOME

	&nbsp;

	Li hêla din nobeta gelên ji kantonên Tebqa, Reqa, Cizîrê û Firatê hatin Bendava Tişrînê jî di roja 3’yemîn de didome. Welatiyên tev li nobetê bûn diyar kirin ku heta pevçûn bi dawî dibin dê çalakiya xwe bidomînin.&nbsp;

	&nbsp;

	TIL TEMIR&nbsp;

	&nbsp;

	Hat zanîn ku dewleta tirk gundê Misleta yê Til Temirê bombebaran kir. hat zanîn ku bombebaran didome û encama êrişê nehat zanîn.&nbsp;

	&nbsp;

	TEQÎNA MAYINAN

	&nbsp;

	Li herêmên cuda yên Sûriyeyê ji ber teqîna bermahiyên şer, 3 zarokan jiyana xwe ji dest dan.&nbsp;

	&nbsp;

	Welatiyekê gundê Merenazê yê herêma Şehbayê dema li nav zeviya xwe dixebitî, mayineke di demên berê de li wir hatibû bicihkirin teqiya û jiyana xwe ji dest da. Li gundê el Qasimiye yê li rojavayê Helebê jî zarokekî di encama teqîna bermahiyên şer de jiyana xwe ji dest da. Di teqînê de 3 kes jî birîndar bûn. Her wiha li herêma Cezal ê li rojavayê bajarê Tedmûrê de jî kesekî di encama teqîna mayinê de jiyana xwe ji dest da.&nbsp;

	&nbsp;

	Li gorî agahiyên Çavdêriya Mafên Mirovan a Sûriyeyê (SOHR) yên dawî, ji destpêka 2025’an heta niha di encama teqîna bermahiyên şer de 6 jê zarok û 2 jê jin bi giştî 34 kesan jiyana xwe ji dest dan û 30 jê zarok bi giştî 56 kes jî birîndar bûn.&nbsp;

	&nbsp;