ROJEVA 31’Ê ÇILEYA 2025’AN

2025-01-31 09:00:09


	 

	* Hevserokê KONGRA-GEL Remzî Kartal têkildarî hevdîtinên Şandeya Îmraliyê û bangên hikûmetê nirxand. Kartal, bal kişand ser banga hikûmetê ya “çekan deynin” û wiha got: “PKK ne sedem, encam e. Heta sedemên çekrakirinê ji holê neyên rakirin çek nayên berdan.” 

	 

	* Hevserokê KNK'ê Ahmet Karamus diyar kir ku li Rojava ji bilî yekitiyê tu vebijêrkên Kurdan nînin û got: "Yekitî, ji bo Kurdan mecbûriyeteke."

	 

	* Lîstikvanê Şanoyê Omer Şahîn ji bo konsera ku ji bo 34'emîn salvegera NÇM'ê wê li Amedê bê lidarxistin banga tevlîbûnê kir.

	 

	* Gulşen Çalişkan a ku li gundê Bîrtawa yê navçeya Artûklûyê di gengeşeyeke ji ber veguhastina hilbijêran de birîndar bû û piştre jiyana xwe ji dest da, beriya ku bimire navê kiryar eşkere kir. Piştî vê kiryar hat girtin û paşê hat berdan. Lê salek e der barê kiryar de îdianame nehatiye amadekirin. 

	 

	* Seroka Komîsyona Jinê ya Endama Meclisa Şaredariya Bajarê Mezin a Wanê Serap Guvençê diyar kir ku gelek serlêdan li Yekîneya Têkoşîna li Dijî Tundiyê û Xeta Tundiyê ya hatine kirin û ji bo Stargeha Jinan a Wanê prosedurên fermî temam bûne. 

	 

	* Cîgira Seroka Baroya Amedê Şîlan Çelîkê got: "Di rastiyê de pirsgirêka kurd pirsgirêkeke bi sedsalan e û mirov nikare wê daxîne asta çekê. Pirsgirêka kurd pirsgirêka demokratîkbûyîn, wekhevî û edaletê ye."

	 

	* Hevserokên Giştî yên DEM Partiyê Tulay Hatîmogûllari û Tuncer Bakirhan dê tev li panela “Elewî li ser aştiyê diaxivin” a li Stenbolê bibin. (10.30) ZINDÎ

	 

	* Çalakiya nobetê ya li dijî tayînkirina qeyûm a li Şaredariyê Sêrtê hatiye destpêkirin dê bidome. Li Edeneyê dê daxuyanî bê dayin. (12.00-16.00) 

	 

	* Şaxa ÎHD’a Edeneyê ji bo piştgiriya bi kampanyaya “Ji bo aştiyê milyonek îmze” dê li avahiya komeleyê daxuyaniyê bide. (12.30)