
Nobeta li Wanê didome: Beriya şahiyê gel bicoş e 

2025-02-13 12:39:52


	WAN - Çalakiya nobetê ya li pêşiya Şaredariya Bajarê Mezin a Wanê di roja 3’yemîn de didome. Beriya şahiya ciwanan gel li cihê nobetê kom dibe.&nbsp;

	&nbsp;

	Çalakiya nobetê ya piştî cezayê li Hevşaredarê Bajarê Mezin ê Wanê Abdullah Zeydan hatiye birîn li pêşiya şaredariyê hatibû destpêkirin di roja 3’yemîn de didome. Ji serê sibehê ve li pêşiya şaredariyê liv û tevgereke gel a zêde heye û pergala deng hate amadekirin. Her ku saet pêş dikeve, hejmara gel a li pêşiya şaredariyê jî zêdetir dibe. Bi sedan kes hatin pêşiya şaredariyê û li ser stranan govend gerandin.&nbsp;

	&nbsp;

	Dê di saetên nîvro de şahiya ciwanan bê lidarxistin û tê payin ku heta êvarê bidome. Her wiha dê îşev jî li pêşiya şaredariyê bi beşdariya ciwanan forumek were lidarxistin. Hevşaredar Neslîhan Şedal û Abdullah Zeydan û siyasetmedar dê tev li forumê bibin. Ciwan dê daxwazên xwe ragihînin û herî dawî jî dê ciwan têkildarî geşedanên dawî bên agahdarkirin.&nbsp;

	&nbsp;

	Çûyîna gel a ber bi şaredariyê ve didome.&nbsp;

	&nbsp;