
Bernameya Newroza Stenbolê diyar bû 

2025-03-16 09:09:27


	STENBOL - &nbsp;Beriya Newroza ku dê di 23’yê Adarê de li Qada Yenîkapiyê were lidarxistin, li Stenbolê agirê Newrozê dê li gelek navçeyên wê were vêxistin û ji navçeyan dê 500 wesayît welatiyan veguhêzin qadên Newrozê.

	Amadekariyên Newroza Stenbolê ku dê bi pêşengtiya Kongreya Demokratîk a Gelan (HDK) û bi dirûşma “Rêbertiya Azad Civaka Demokratîk” were lidarxistin, didomin. Pîrozbahiya Newrozê dê di 23’yê Adarê de li Qada Yenîkapiyê were lidarxistin. Pîrozbahî dê saet di 10.00’ê de dest pê bike û heta saet 18.00’ê bidome. Ji hunermendên Navenda Çanda Mezopotamyayê (NÇM) Kadîr Çat û Grup Praksîs derkevin ser dikê.&nbsp;

	&nbsp;

	AXÊVER&nbsp;

	&nbsp;

	Hevberdevkê HDK’ê Alî Kenanoglû, aktîvîsta Tevgera Jinên Azad (TJA) Gultan Kişanak, Hevserokê Giştî yê Partiya Wekhevî û Demokrasiyê ya Gelan (DEM Partî) Tuncer Bakirhan, Cîgirê Hevserokê Giştî yê DEM Partiyê Tayîp Temel, Serokwekîlê Meclisê yê DEM Partiyê û endamê Şandeya Îmraliyê Sirri Sureyya Onder, Parlamentera DEM Partiyê ya Stenbolê Kezban Konukçu û Hevşaredara Êlihê Gulistan Sonuk dê di pîrozbahiyê de biaxivin.&nbsp;

	&nbsp;

	Bi vê boneyê li her navçeyê komîsyonên amadekariyan hatin avakirin. Di vê çarçoveyê de derdoa 150 hezar belavok hatin amadekirin û dest bi belavkirina wan hate krin. 100 jê bi Kurdî bi giştî 400 pankartên kolanan hatin amadekirin. Her wiha 400 reklamên bîlboardan hatin kirin.&nbsp;

	&nbsp;

	DÊ JI NAVÇEYAN WESAYÎT BÊN RAKIRIN&nbsp;

	&nbsp;

	Gelek rêxistinên civaka sivîl û sazî hatin vexwendin. Ji bo ku di roja Newrozê de gel veguhêzin qada Newrozê, 500 wesayît hatine amadekirin. Heta 23’yê Adarê dê li gelek navçeyên Stenbolê agirê Newrozê were vêxistin.&nbsp;

	&nbsp;

	JI BO ROJNAMEERAN AKREDÎTASYON

	&nbsp;

	Serlêdanên rojnamegeran ên ji bo akredîtasyonê jî dest pê kirin. Rojnameger divê heta 20’ê Adarê roja pêncşemê saet 14.00’ê serlêdana akredîteyê bikin.&nbsp;

	&nbsp;

	MA/ Dîren Yurtsever&nbsp;

	&nbsp;