
Kesekî nêzî Hamaney gef li DYA’yê xwar: Bila Tengava Hurmuzê bê girtin 

2025-06-22 09:54:38


	&nbsp;

	NAVENDA NÛÇEYAN - Yek ji şêwirmendên rêberê olî yê Îranê Ayetullah Alî Hamaney bi aşkerayî gef li DYA’yê xwar û banga girtina Tengava Hurmuzê kir.&nbsp;

	&nbsp;

	Yek ji şêwirmendên rêberê olî yê Îranê Ayetullah Alî Hamaney, Huseyîn Şerîatmedarî piştî êrişa DYA’yê ya li dijî Îranê, banga hedefgirtina keştiyên Artêşa DYA’yê bi fuzeyan û girtina Tengava Hurmuzê kir.&nbsp;

	&nbsp;

	

	&nbsp;

	Huseyîn Şerîatmedarî ku Gerînendeyê Giştî yê Rojnameya Kayhanê ye û di demên berê de xwe weke “nûnerê” Ayetullah Humeynî dabû naskirin, li ser Telegramê peyamek parve kir û got: “Piştî êrişa Amerîkayê ya li dijî tesîsa nukleerê ya Fordyê, dora me ye. Bêyî dudilî û derengxistinê, weke gava ewil divê keştiyên artêşa Amerîkayê yên li Bahreynê bi fuzeyan hedef bên girtin û bi awayekî hemwext Tengava Hurmuzê ji keştiyên Amerîkî, Ingilîz, Alman û Fransizan re bê girtin.”

	&nbsp;

	Tê payin ku Hamaney li dijî êrişa DYA’yê bangî gelê Îranê bike. Lêbelê tê gotin ku Hamaney niha di stargehekê de ye û ji ber xetereya sûîqestê, têkiliya elektronîk hatiye qutkirin û pêwendiyên bi wî re pir bisîor û zehmet e.&nbsp;

	&nbsp;