
Li Tatosê wêneyên dengbêjan li dîwaran hatin xemilandin

2025-09-05 09:02:50


		ERZIROM - Şaredariya Tatosê di bin navê xebatên pirzimaniyê de, gelek deverên bajêr bi wêneyên dengbêjan xemiland.&nbsp;
	
		&nbsp;&nbsp; &nbsp;&nbsp;
	
		Şaredariya Tatos a Erziromê ya di bin rêveberiya Partiya Wekhevî û Demokrasiyê ya Gelan (DEM Partî) de, qada bajêr bi wêneyên dengbêjan û ramanwerên Kurd xemiland. Li têketin û derketina bajêr, li gel tabelayên Tirkî, tabelayên bi zaravayê Kurmancî û Kurmanckî hatin bicihkirin.&nbsp;
	
		&nbsp;
	
		Hevşaredarê Tatosê Abdurrahman Sever destnîşan kir ku ew li dijî feraseta tekparêz in û got ku divê hemû bawerî û civak bên berbiçavkirin. Sever, bal kişand ser girîngiya dengbêjiyê di çanda Kurdî û zimanê Kurdî de û got: "Di çanda dengbêjiyê de Şakiro heye ku olan dide. Me xwest em wî jî biresmînin. Her wiha Eyşe Şan dengbêjeke girîng e."&nbsp;
	
		&nbsp;
	
		Sever bibîr xist ku berê xebatên wan ên pirzimaniyê ji aliyê qeyûman ve hedef hatine girtin û got: "Diyardeya ku em jê re dibêjin ziman, tenê ne lebatek e. Hebûnek e, çandek e. Ji bo biruhûcankirina vê me li têketina bajêr zimanê gelan da der. Xebatên me didomin."&nbsp;
	
		&nbsp;
	
		Sever bilêv kir ku rêveberiyên herêmî di avakirina civaka demokratîk de xwedî cihekî girîng in. Sever anî ziman ku gel ji xebatên wan ê çandî kêfxweş e û got: "Me di nava salekê de gelek xebatên çandî kir. Me xebatên dengbêjî û çîrokbêjiyê kirin. Bertekên gel pir erênî bûn."
	
		&nbsp;
	
		&nbsp;
	
		&nbsp;


	&nbsp;