ROJEVA 4'Ê KANÛNA 2025'AN

2025-12-04 09:00:09


	 

	* Ji Dêrazorê heta Hesekê û Qamişloyê, li her derê pêşengên Şoreşa Rojava bi awayên cuda tên bibîrxistin. Ji ber ambargo û êrişan, carnan avakirina malekê jî girêdayî geşedanan pêş dikeve. DAIŞ hîn jî metirsiyeke mezin e, tevî vê yekê jî şoreş bi komunan gav bi gav tê pêşxistin.

	 

	* Hevserokê Giştî yê Komeleya Hiqûqnasên ji bo Azadiyê (OHD) Serhat Çakmak, diyar kir ku ew li bendê ne piştî qanûnên veguhêz, qanûnên demokratîkbûnê bên derxistin û got, piştî rapore komisyonê ew ê rêze xebatan bikin.

	 

	* Prof. Dr. Levent Koker diyar kir ku di çareseriya pirsgirêka Kurd de gihiştine qonaxeke girîng û got: "Bi çareserkirina vê pirsgirê re, Tirkiye dê bikeve pêvajoya demokratîkbûnê."

	 

	* Îlahiyatnas Mihemed Salar, diyar kir ku divê Diyanet di xutbeyan de bi Peyamana Hudeybiyeyê û Peymana Medîneyê rave bike û pêvajoyê bi awayeke rast ji gel re vebêje.

	 

	* Rojgul Ozdemîr a ku dema bavê wê hat girtin 3 salî bû, diyar kir ku dema 7 salî bû çûye ziyaretê û ev 29 sal in rêya girtîgehê çaverê dike û got: “Gelek nexweşiyên giran ên bavê min hene. Em jî mîna gelek malbatan, li benda berdana bavê xwe ne.”

	 

	* Rewşa rojnameger Huseyîn Aykol dê were şopandin.  

	 

	* Komîsyona Hevgirtina Neteweyî, Xwişk-Biratî û Demokrasiyê dê ji bo nirxandina xebatên xwe li Eywana Torenan a Meclisê bicive. (14.00)

	 

	* Berdevka DEM Partiyê Ayşegul Dogan dê têkildarî geşedanên di rojevê de li navenda giştî ya partiyê daxuyaniyê bide. (15.30)