
Partiya DEVA'yê di fitarê de serdana malbata Şenyaşar kir 

2023-03-24 19:42:51


	&nbsp;

	RIHA – Partiya DEVA'yê ya Rihayê serdana Nobeda Edaletê ya malbata Şenyaşar ya li ber edliyeyê kir û bi malbatê re fitariya xwe kir.&nbsp;

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê Hezîrana 2018’an de li navçeya Pirsûs a Rihayê êrişî Malbata Şenyaşar kiribûn. Di encama êrişê de hevjînê Emîne Şenyaşarê û du kurên wê hatibûn qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê Adara 2021’ê de li pêşiya Edliyeya Rihayê dest bi çalakiya Nobeda Edaletê kirin. Çalakiya Malbata Şenyaşarê di roja 732’yan de berdewam dike.

	&nbsp;

	Malbata Şenyaşar îro jî çalakiya xwe li ber edliyeyê domand. Dayik Emine Şenyaşar û kurê wê Ferît Şenyaşar heta dema fitariyê li ber edliyeyê çalakiya xwe domadin. Seroktiya Partiya DEVA'yê ya Rihayê jî di dema fitariyê de serdana malbatê kir û li vir bi hev re fitariya xwe kirin.&nbsp;

	&nbsp;

	Serokê Partiya DEVA'yê yê Ahmet Tuysuz di serdanê de axivî. Tuysuz bi lêv kir ku ew ji destpêkê ve li dijî zilma li malbata Şenyaşar hatiye kirin rabûne û weke sala par îsal jî ji bo piştevaniyê serdana wan kirine. Her wiha Tuysuz destnîşan kir ku ew ê her tim li cem malbata Şenyaşarê bin.&nbsp;

	&nbsp;