Zimanê kurdî her dibe helbest û stran û di nava amûrên muzîkê de dijene. Heta niha gelek stran û helbest li ser xweş û şîrîniya zimanê kurdî hatine nivîsandin û gotin. Lê helbet strana ku herî zêde li ser zar û zimanê gelê kurd e strana “Zimanê Kurdî” ku aydê hunermend Aram Tîgran ve hatiye strandin û heta niha hunermendek kurd nemaye ku negotiye. 

 

Stranek din jî li ser parastin û şîr helaliya zimanê kurdî bi navê “Zimanê Me” wek klîbek hat amadekirin û hat weşandin. Gotin û muzîka stranê aydê humermend Şahîn Farqîn e û 12 stranbêj vokaliyê dikin. Stranbêjên ku vokaliyê dikin wiha ne: Farqîn Azad, Zîlan Tîgrîs, Nûrcîhan Yilmaz, Îhsan Zanyar, Hêja Can, Dozvan Amed, Mehmûd Goçer, Ozan Îbrahîm, Şahîn Farqîn, Serhed Guneş, Serdar Baysal û Herem Nêrgiz. Dîmenên klîbê jî ji cih û warên dîrokî yên Amedê û dîmenên zarokan pêk tên. Hunermend bi vê klîbê balê dikişînin ser girîngiya zimanê kurdî û cih û warên dîrokî yên Kurdistanê.  

 

Gotinên stranê wiha ne:

 

ZIMANÊ ME

 

"Zimanê me rûmeta me

Ew nasname û hebûna me.

Wekî şîrê dayîka me

Li me helale ey hevalno

Wekî şîrê dayîka me 

Li me helale ey delalno.

 

Ew e rastîya hezar salan

Ji xelkê re mekin talan. 

Mîrasa Zerdeştê Kalan

Biparêzin ji boy niştiman. 

Mîrasa Zerdeştê Kalan 

Biparêzin ji boy zarokan.

 

Helbesta Şêx Ehmedê Xan

Bû evîna Memê Alan

Helbesta Feqîyê Teyran

Pê evîn kir Memê Alan

Bersivî ji bo hemû cîhan

çi xweşî zimanê kurdan

Bersivî ji bo hemû cîhan 

Her bijî zimanê kurdan.

 

Tu yî gelê herî dilsoz

Bernedin vê doza pîroz 

Xwedî derkev li zimanê xwe

Bila xurttir bibe her roj

Bi zimanê xwe biaxive

Bila mezin bibe her roj.”

 

Lînka klîbê wiha ye: