ŞIRNEX - Li devera Sakalan a Cizîrê qezaya trafîkê çêbû. Di qezayê de kesekî jiyana xwe ji dest da û yek jî birîndar bû.
Di saetên serê sibehê de li devera Sakalan a navçeya Cizîr a Şirnexê qezaya trafîkê çêbû. Hat zanîn ku ajokarê tankerê kontrola dîreksiyonê winda kir û tanker ji pirê gêrbû xwarê. Ajokar li cihê qezayê jiyana xwe ji dest da û ajokarê cîgir jî birîndar bû. Tîmên tenduristiyê yên hatin cihê qezayê, welatiyê birîndar rakirin Nexweşxaneya Dewletê ya Cizîrê.
Têkildarî qezayê lêpirsîn hate destpêkirin.