* Dikana Piştgiriya Jinan a Hêvî ya Şaredariya Silopiyayê xwe gihand 2 hezar malbatên hewcedar. Ceylan Denîzê ji bo hîn bêtir bigihîjin malbatan banga "alîkariya ji bo dikanê" kir.

 

* Hevşaredarê Peyasê Cengîz Dundar ê ku dema mamoste bû ji ber tevlî xebatên sendîkayan bû hat girtin û serbest hat berdan, diyar kir ku divê desthilat dest ji polîtîkayên ku zirarê dide edaletê berde û got ku ev polîtîka wê bi ser nekevin.

 

* Li Şirnexê vê carê jî Midûriyeta Herêmê ya 10'emîn a DSÎ'yê hewl dide li ser Çemê Nêrdûşê bendavekê çêbike. Projeya pêvajoya wê ya ÇED'ê hatiye destpêkirin, gefê li avahiyên dîrokî û jîngehê dixwe. 

 

* Li Agiriyê ji ber zêdebûna bihayên êm û ka, sewalvanî li ber qedandinê ye. Sewalkar Hikmet Adîgûzel anî ziman ku ji bêgavî hejmara heywanên xwe kêm kirine. 

 

* Nûnerên saziyên ku kampanyaya "Ji Rojava re statu, ji gelan re azadî" îmze kirin, bal kişandin ser gengeşeyên li ser pirsgirêka kurd û gotin: "Gava li hundir doza aştiyê bê kirin, divê li derve komkujî neyên kirin."

 

* Rêberê PKK’ê Abdullah Ocalan diyar kir ku sedema esasî ya pirsgirêkên li Rojhilata Navîn zîhniyete û tekane çareseriya vê jî pergaleke demokratîk e. Abdullah Ocalan, li dijî pirsgirêkan balê dikişîne ser paradîgmaya azadiya jinê, ekolojîk û demokratîk. 

 

* Rêveberên EGE-TUHAYDER û ÎHD’ê bal kişandin ser nîqaşên ser çareseriya pirsgirêka Kurd û gotin: “Heke dewlet jidil be divê weke gava ewil girtiyên nexweş berde.” 

 

* Girtî Latîf Mollaahmetoglû dema sewqî nexweşxaneyê dihat kirin hate derbkirin û sepelekî gefa “Min baş di hizra xwe de bicih bike û ji bîr neke, hêj gelek karê min bi te heye” lê xwar. 

 

* 7’emîn danişîna doza Hevşaredara Sêrtê Sofya Alagaş dê li 5’emîn Dadgeha Cezayên Giran a Amedê bê lidarxistin. (09.10)

 

* Platforma Parastina Bajar û Piştevaniyê ya Amedê dê têkildarî çareseriya pirsgirêka Kurd li Enqereyê bi partiyên siyasî re hevdîtinan bike. (11.00-18.00)

 

* 8’emîn danişîna 5 leşkeran ku li navçeya Nisêbînê ji kuştina amûrsaz Yûsûf Akin tên darizandin, dê were lidarxistin. (11.30)

 

* Hevseroka Giştî ya DEM Partiyê Tulay Hatîmogûllari dê di civîna koma partiya xwe de li Meclisê biaxive. (12.30) ZINDÎ

 

* Hewldana ji bo Roboskê Edalet dê di 157’emîn meha komkujiyê de li ser Cadeya Sarkaryayê ya Enqereyê daxuyaniyê bide. (13.30)

 

* Êrişên ser Bakur û Rojhilatê Sûriyeyê dê li Amed, Riha û Enqereyê bên protestokirin. (16.00-17.00-18.00)

 

* Têkildarî zextên ser rojnamegeran dê li pêşiya AZC Plaza ya Semta Ofîsê ya Bajarê Nû ya Amedê daxuyanî were dayin. (17.00)