Komîsyona Girtîgehan a Şaxa Komeleya Mafên Mirovan (ÎHD) a Stenbolê di hefteya 679’an a çalakiya "Rûniştina F" de, li ber avahiya komeleyê daxuyanî da. Di çalakiya vê hefteyê de rewşa tenduristiyê ya girtiyê nexweş Ugur Ok ê li Girtîgeha Sîncanê ya Enqereyê tê girtin, ket rojevê.

 

Di daxuyaniyê de pankartên bi nivîsa "Tedawî maf e, nikare bê astengkirin" û "Girtiyên nexweş berdin" hatin vekirin. Gelek caran dirûşmên mîna "Girtiyên nexweş berdin" û "Tecrîd dikuje, hevgirtin dide jiyîn" hatin berzkirin.

 

Di daxuyaniyê de ji rêveberên ÎHD'ê Cüneyt Yilmaz daxuyand ku jiyana girtiyê nexweş Ûgûr Ok ê berdana wî hat astengkirin di xetereyê de ye.

 

Hevseroka Giştî ya ÎHD'ê Eren Keskîn jî di nav de gelek parêzvanên mafan jî beşdarî daxuyaniyê bûn.

 

ENQERE

 

Li Enqereyê jî Înîsîyatîfa Azadî Ji bo Girtiyên Nexweş, di çalakiya xwe ya 551’emîn de bal kişand ser rewşa girtiya nexweş Adnan Ozter ê li Girtîgeha Girtî ya Tekîrdagê tê girtin.

 

Endama Desteya Rêveberiya Navendî ya ÎHD’ê (MYK) Nûray Çevîrmenê di daxuyaniya li Kolana Sakaryayê de axivî û diyar kir ku Oztel piştî ku di sala 2004’an de hat girtin, 6 sal in qet nebirine nexweşxaneyê. Nuray Çevîrmenê got ku girtiyê nexweş Adnan Oztel jî bi xetereya ku çavên wî kor bibin re rû bi rû ye. 

 

Di çalakiyan de hate destnîşankirin ku divê demildest girtiyên nexweş bên berdan.