Kesê bi navê Onur Karakaya li Kayseriyê hevjîna xwe Neşe Karakaya bi çekê qetil kir. Faîlî piştre jî xwe kuşt. Piştî agahdarkirina welatiyan, li cihê bûyerê komên tenduristiyê û polîs hatin sewqkirin. Di lêkolîna cihê bûyerê de hate tespîtkirin ku Neşe Karakayayê li cihê bûyerê jiyana xwe ji dest daye û faîlê birîndar jî li nexweşxaneyê jiyana xwe ji dest da. 

 

Cenaze, rakirin morga nexweşxaneyê û der heqê bûyerê de lêpirsîn hate destpêkirin. 

 

TRABZON 

 

Li navçeya Vakfikebîr a Trabzonê jî kesê bi navê Mûstafa Saglam hevjîna xwe Tûgba Saglam bi çekê qetil kir. Faîl, piştre ji cihê bûyerê reviya. Piştî cîranan agahî dan, li cihê bûyerê polîs û komên tenduristiyê hatin sewqkirin. Di lêkolîna cihê bûyerê de hate tespîtkirin ku Tûgba Saglamê jiyana xwe ji dest daye. 

 

Ji bo girtina faîlî xebat hatin destpêkirin.