Serokê Partiya Çep a Ewropayê Walter Baier, parlamenterên Tifaqa Çep a Kesk a Îtalyayê Francesca Ghirra, Matteo Massa, Endamê Meclisa Komarê ya Portekîzê Eduardo Jorge Costa Pinto, Parlamentera Katalonyayê Eulàlia Reguant Cura, Endamê Lijneya Rêveber a Katalonya CUP’ê Blai Tabarner, Rêvebera Koma Piştevaniya Kurd a Partiya Sor a Norweçê Anne Kulseng Berg, Rêvebera Konfederasyona Karkeran a Giştî ya Îtalyayê Caterina Posterino, Rêvebera Konfederasyona Karkeran a Îtalyayê Fracesca Baruffaldi, Rojnameger Benedetta Rossi, Daniela Galie, Seroka Koma Komunist a Meclisa Şaredariya Bajarê Mezin a Parîsê Raphaëlle Primet, Rêveberê Eyaleta Hesenê ya Partiya Çep a Almanyayê Jakob Migenda û Rêveberê Partiya Çep a Almanyayê Yûsûf Karecelîk ji bo li Girtîgeha Tîpa F a bi Ewlekariya Bilind a Îmraliyê bi Rêberê PKK’ê Abdullah Ocalan re hevdîtinê bikin, serî li Wezareta Dadê dan. 

 

Di daxwaznameyê de wiha hate gotin: “Weke endamên delegasyona navneteweyî yên îmzeyên wan li jêr, em dixwazin ku di demeke wezareta we guncav dibîne de li Girtîgeha Tîpa F a bi Ewlekariya Bilind a Îmraliyê bi birêz Abdullah Ocalan re hevdîtinê bikin. Em daxwaza xwe ya ji bo dayina destûra pêwîst, bi rêzdarî pêşkeşî we dikin.”