Ji şevê din ve ye li Wanê berfeke zêde dibare û ji ber berfê rêya 21 gundan hatin girtin. Koordînasyona Têkoşîna li Dijî Berfê ya Şaredariya Bajarê Mezin a Wanê bi 270 wesayîtan û 618 xebatkaran dest bi xebatên paqijkirina berfê kir. Di tevahiya şevê de li navenda bajar berf hate paqijkirin û xwê li rêyan hate reşandin. Di saetên serê sibehê de jî payarê hatin paqijkirin. Di heman demê de ji bo vekirina rêyên gundan xebat hatin destpêkirin.