Platforma Têkoşîna Li Dijî Tiryakê ku bi pêşengiya xebatê Meclisa Tenduristiyê ya Kongreya Demokratîk a Gelan (HDK) li Îzmîrê ve tê rêvebirin û armanca wê têkoşîna li dijî hemû cureyên tiryakê ye, ji bo bersivdayîna van polîtîkayên dewletê xebata xwe didomîne. Platform li taxên Îzmîrê ku rêjeya tiryakê lê bilind e dixebite, armanc dike ku bi rêya panel û çalakiyên curbicur hişyariya li ser tiryakê di nav ciwanan de zêde bike.

 

Endama Platforma Têkoşîna Li Dijî Tiryakê Sîbel Orkmez, der barê xebatên wan ên niha û yên siberojê de agahî parve kirin û diyar kir ku nîqaşên wan bûne sedema têkoşîneke dînamîk ji bo têkoşîna li dijî tiryakê. Sibel Orkmezê anî ziman ku kapîtalîzm ciwan û civakeke nikare hebûna xwe bide der û îtaatkar dixwaze û got: "Ew vê yekê bi awayekî pir nepenî û siyasî dişopîne. Em dixwazin vê yekê ji perspektîfeke dijkapîtalîst analîz bikin û pêşengiya têkoşîna wê bikin. Wekî ku me ji destpêkê ve gotiye, tiryakbûn bi xwe ne krîzeke takekesî ye, krîzeke civakî ye."

 

Sîbel Orkmezê bi bîr xist ku her çend tiryakbûna madeyan pirsgirêka herî biêş be jî, tiryakbûnên wekî teknolojiyê û qumarê jî hene û anî ziman ku ew bi awayekî yekpare nêzî vê pirsgirêkê dibin, ji ber vê yekê platform bi navê "Platforma Têkoşîna Tiryakê" hatiye binavkirin. Sibel Orkmezê got: "Ger tiştê ku di vê pêvajoyê de hewce dike ku em wê parçe parçe çareser bikin, em ê parçe parçe çareser bikin. Lê em bi awayekî yekpare nêzî wê dibin. Wekî din, platform ji bo her kes, sazî û rêxistinek ku bi tiryakê re mijûl dibe vekirî ye. Em xwe bi saziyekê tenê ve sînordar nabînin. Ji ber vê yekê, bangeke me heye. Bê guman, em bang li hemû saziyan dikin ku werin û bibin beşek ji wê. Em komeke nêzîkî 32 kesan in, lê tenê em 10 kes bi awayekî periyodîk dicivin. Yekûna me niha ev e, lê armanca me ew e ku em mezin bibin, hejmara hevkaran zêde bikin û bigihîjin her kesî. Em rastiyekê dibînin ku tê de ciwan kirde ne. Ji ber ku em naxwazin tenê bibêjin, 'Werin, em we xilas bikin.' Pêdivî ye ku ciwan bibin kirdeya vê têkoşîn û platformê." 

 

BANGA JI BO PANELÊ

 

Sîbel Orkmezê ku banga panela platformê ya li ser vê mijarê kir, got: "Em ê di 11'ê Cotmehê de di navbera saet 13:00 û 17:00'an de li Baroya Îzmîrê bicivin. Ez her kesê ku bi vê yekê re eleqedar e, giliyên wan hene, bawer dikin ku ew dikarin were çareserkirin û dixwazin bibin beşek ji vê, vedixwîm panela me."