Mehmet Yildiz ê 62 salî ku li taxa Savaşê ya Sûrê ya Amedê dikana wî ya hesinkariyê heye, li ber destên hostayên ermenî av kişandiye û hînî hesinkariyê bûye. Yildiz ku tevî birayê xwe 50 sal in hesinkariyê dike, ji bo pîşeya wî bidome fêrî du zarokên xwe jî kiriye. Yildiz destnîşan kir ku ji ber pêşketinên teknolojiyê eleqeya bi hesinkariyê kêm bûye û niha ji bo pîşeyê hînî wan bike li kesan digire. Yildiz dixwaze pîşeya ku ji hostayên ermenî fêr bûye, veguhêze nifşên nû da ku winda nebe.

 

Yildiz anî ziman ku wî wekî şagirt li cem hosteyê ermenî Muco dest pê kiriye û got: "Em bi wî re mezin bûn." Yildiz destnîşan kir ku hesinkarên ermenî êdî nînin û got: "Ew di vî karî de pir baş bûn. Wan amûrin çêdikirin ku herî kêm saetekê hesin dikutan. Me das, bivir, çakûç û ya hîn dijwartir dere (das) û gelek berhemên din ên çandiniyê çêdikirin. Hesinkarî sembola Amedê ye. Ger hesinkarî bimire, Sûr jî dimire."

 

Yildiz diyar kir ku ew ji bo zindîmana vê pîşeyê pir dixebite û got: "Ji ber germê em nikarin pir kar bikin. Em di mehên havînê de bi zorê debara xwe dikin. Lê di mehên din de kar heye. Em ji niha ve amadekariyên xwe dikin. Ez nikarim rojane bi 2 hezar TL'yan şagirtan bibînim. Zarokên min niha dixebitin. Min hosteyekî pir baş gihandiye. Lêkolîn kirine ku hesinkarên herî baş li Amedê ne... Em israr dikin ku vê pîşeya ku ji Kawa ve heya niha domandiye, bidomînin."

 

MA / Fethî Balaman