Odeya Plansazên Bajêr a Şaxa Amedê ya girêdayî TMMOB’ê diyar kir ku derxistina ber firotinê ya neguhêzbarên Şaredariya Bajarê Mezin a Mêrdînê ku qeyûm birêve dibe “bêhiqûqî” ye û ew ê mijarê veguhêzînin darazê.
Komeleya Jiyana Nûde, di bin banê xwe de Akademiya Aborî û Civakî vekir û bernameya perwerde semîneran danî pêş xwe.
Zemkirina bacê bû sedema ku 5 hezar û 430 ton zebeşên ku ji Îranê anîn Gara Trênê ya Wanê xera bibin. Esnafê ku zebeşan ji derve anî li dijî rewşê îsyan kir.
Serokê Komeleya Esnafên Çarşiyê ya Mêrsînê Bekîr Algullu, anî ziman ku di dema şewbê de li bajêr 30 hezar esnafî dikanên xwe girtine û got, qedexeyan pişta esnafên biçûk ên piştgiriya wan nehat kirin şikandiye.
Serokê Şaxa BTS'ê ya Amedê Suleyman Bozkûrt sirgunkirina hevalên xwe rexne kir û got: “Bila rayedar baş bizanin ku em ê li dijî sirgunan li berxwe bidin.”
Li Edeneyê çinîna zebeşên pêşwext hefteyekê dereng dest pê kir. Niha cotkar ji rewşa heyî razî ne, lê belê fikara wan ew e ku gava ber zêde bibin fiyet jî erzan bibin.
Serokê Şaxa BTS'ê ya Amedê Suleyman Bozkûrt, da zanîn ku di pêvajoya şewba coronayê de 84 endamên wan hatine sirgûnkirin û got, ji ber ku qezayên trênê, rant û kadrobûyîna bêliyaqat teşhîr kirine endamên wan hatine sirgûnkirin.
Ji ber îthalatê pîvaz li nav erdan mane. Cotkar Emîn Yeşîlbûdak, got: "Em di nav deynan de mane."
Karkerên çandiniyê yê demsalî diyar kirin ku hikumet tu tevdîran ji bo wan negirtiye û gotin “Hikumet dixwaze em feqîr bimirin.”
Meclîsa Tenduristiya Karker û Ewlehiya Kar rapora duyem a koronayê belav kir û ragihand ku di 2 mehan de herî kêm 128 karkeran ji ber koronayê jiyana xwe ji dest daye.
Li Levent a Stenbolê di şantiyekê de karkerên bi şewba vîrûsa Covid-19 û karkerên din di nava hev de kar dikin. Li gel vê yekê rayedarên şandiyê xebatê berdewam dike û tedbîran nagirin. Karkeran diyar kirin ku şîrket zorê li kesên bi şewbê dikeve dikin ku bêyî mafê xwe biparêzin, daxwaznameya îstîfayê bidin.
Li Ispartayê, karkerê çandiniyê Beşar Sûpî Alî yê bi ceyranê ve ma jiyana xwe ji dest da.
Çinîna ceh li Şengalê dest pê kir. Cotkarên Şengalê anîn ziman ku wan li dijî rîska şewatê îsal zû dest çinîna dexlên xwe kirin.
Karkerên ku ji bo debara xwe bikin didin ser rêyan, gava diçin cihê ku dê lê bixebitin jî di şert û mercên zehmet de dijîn. Yek ji van deverên ku karkerên demsalî hatinê jî Taxa Kesîkkopruyê ye. Li vira karker di konên 20 metrekarî de dijîn û her wiha ne av, ne ceryan û ne jî paqijî heye.
Hevseroka Giştî ya SES'ê Gonul Erden, diyar kir ku dê li dijî Giştînameya SGK'ê ya ku ji bo vîrûsa corona qezaya kar neyê hesibandin, doza betalkirinê vekin.