Hevserokê Giştî yê KESK’ê Mehmet Bozgeyîk rapora têkildarî şewba koronayê eşkere kir û got: “Rêxistinên pîşeyî yên tenduristiyê daxilî pêvajoyê nayên kirin. Raya giştî bi awayek zelal nayê agahdarkirin.”
Aborînas Hayrî Kozanoglû, diyar kir ku ji ber vîrûsa koronayê biçûkbûneke micid a aborî û xîzanî li pêşiya Tirkiyeyê ye û qala bergiriyên ku ji bo welatî bi xesara herî biçûk ji pêvajoyê derkevin kir.
Karkerên ku ji karên xwe hatine derxistin û ji bo vegera karê xwe têdikoşin, têkildarî 1’ê Gulanê ku ji ber vîrûsa koronayê dê îsal li kargeh û malan bê pîrozkirin, ev pêşniyar kirin: “Ketina malan ne rast e. Bi pêkanîna parastina mesafeya fizîkî jî pîrozbahî dikarin bên kirin. Herkes dikare li şaneşîna xwe pankarta xwe daleqîne û sîrûdên xwe bixwînin.”
Serokên sendîkayan ku ji bo 1'ê Gulana îsal axivîn diyar kirin ku daxwaza "di dema xebatê de em naxwazin bimirin" daxwaza hevpar a hemû karkera ye û ji bo "yekîtî û piştevaniyê" bang li konfederasyonan kirin.
Nezîr Kaya ku li Bismilê debara xwe bi sewalvaniyê dike, anî ziman ku ji ber vîrûsê mirov di mal de dimînin û ji ber vê bêhna xwezayê derketiye û heywan bêtir zikê xwe têr dikin.
Ji 1'ê Gulanê, Roja Kedkarên Cîlanê re 5 roj ban. Îsal ji ber vîrûsa corona dê piştî 130 salan yekem car Roja Kedkarên Cîhanê ku ji aliyê Duyemîn Enternasyonal ve di sala 1890’an de wekî roja yekîtî, têkoşîn û piştevaniya karkeran îlan kiribû, qadên bi sed hezaran karker lê kom dibûn vala derbas bibe.
Li dijî bandora şewbê ya li ser aboriyê li dinyayê bi trîlyonan dolar tê belavkirin, li Tirkiyê jî krîza dovîzê pêk tê. Aborînasan diyar kir ku rêveberiya otoriter a Tirkiyê dibe sedema krîza dovîzê.
Cotkarên ku ji ber şewbê nikarin îsotên xwe bifiroşin, anîn ziman ku îsotên wan xera bûne û xwestin piştgiriya wan bê kirin.
Di rojên Covîd-19'yê de jî wexta xebatê ya karkerên Mîgrosê hatiye zêdekirin. Karkerekî marketê, anî ziman ku di destpêka şewbê de ssirf ji bo metirsî û panîk bi mişteriyan re çênebe maske jî nedane wan.
Halîl Borê ku her sal biharê ji bo heywanên xwe biçêrîne diçe quntarên Çiyayê Erekê, îsal ji ber şewba coronayê heywanên xwe li kuçeyên Taxa Xaçortê diçêrîne.
Konseya Navenda TTB’ê, di rapora derbarê mirina Dr. Erdînç Şahîn ê piştî tedawiya Kovîd-19 jiyana xwe ji dest da de, pirsa sedema mirina wî ji Wezareta Tendurisiyê kir.
Paltforma Şaxên Sendîkayên Karkeran ên Stenbolê, xwest ku 1’ê Gulanê bi “qedexeyê” neyê bîranîn û destnîşan kir ku dê 1’ê Gulanê li hemû kargehên ku lê bi rêxistinkirîne pîroz bikin.
Di rapora Evîd-Sen’ê de qala rewşa jinên ku karkerên malan e hat kirin û hat destnîşankirin ku ewlehiya canê jinên karkerên malan nemaye û karê wan li benda rehma Xwedê ye.
Aborînas û Nivîskarê Rojnameya Xwebûnê Ramazan Tunç bi sernavê "Piyaseya hirçê û slumpflasyon" gotarek ji rojnameyê re nivîsî. Tunç, diyar kir ku Dahata Neteweyî ya Giştî (DNG) ya Tirkiyeyê di sala 2020’an de wê ji %5 dakeve û enflasyon jî wê li derdora %18’an be û got: "Aboriya Tirkiyeyê wê ji %8 tengav bibe. Ev tengavbûn nêzikî 60 milyar dolarî ye."
Serokê Giştî yê Sendîkaya Dev Yapi-Îş'ê Ozgur Karabûlût, anî ziman ku hin fîrmayên înşeatê ligel biryara qedexeya derketina derve bi hin destûrên taybet karkeran didin şixulandin û bertek nîşanî vê rewşê d: "Berjewendiyên patronan di ser her tştî re ye."