Karker li gelek bajaran bi wesîleya salvegera 51’emîna Berxwedana Karkeran a 15-16’ê Hezîranê daketin qadan û gotin ev berxwedan raborî nebûye û çîna karkeran îro carek din ji şertên karkeran ên nebaş re dibêje êdî bes e.
Li Sasonê 400 malbat bi çandina çîlekan debara xwe dikin û dixwazin çîlekên wan daxilî nav bazara cîhanê bibin.
Cîgirê Hevserokatiya Giştî ya HDP'ê yê Berpirsiyarê Komîsyona Aboriyê Garo Paylan, destnîşan kir ku ji ber polîtîkayên aborî yên şaş ên îqtidarê rewşa aboriyê pir xirab bûye û got: "Sirf ji bo zavê wî du heb SÎHA bifiroşe, Tirkiyeyê bi milyaran xisirand."
Karkerên demsaliyê di konan de ji bo debara xwe li ber xwe didin. Li Meletiyê karkerên ku avê ji devereke 5 kîlometre dûrî wan dikişînin, di şert û mercên bêceryan û nepak de tên şixulandin.
Ji bajarên ku zêde zarok lê tên şixulandin yek jê jî Amed e. Rêvebirê Komeleya Rengarenk Ûmûtlar Ûmût Civan Aytaş, destnîşan kir ku ancax bi refleksên polîtîk pêşî li ber vê pirsgirêka pergalî bê girtin.
Serokê Komeleya Şopandin û Pêşîlêgirtina Karkeriya Zarokan Mehmet Bayram, destnîşan kir ku sedema sereke ya şixulandina zarokan bêedaletiya civakî ye û heya pêşî li ber xizaniyê neyê girtin, dê pêşî li ber şixulandina zarokan jî neyê girtin.
Li navçeya Pasûrê ku her sal hilberandina kurmê hevrîşimê lê tê kirin û ji nîvî zêdetir hilberandina kurmê hevrîşimê ya Tirkiyeyê lê pêk tê, îsal paletiya kurmê hevrîşimê nayê kirin.
Koçer Metîn Çogûn, anî ziman ku ji ber qedexeyan ji neçarî li deverine din zozan kirê kirine, lê belê heqê kirê pir biha bûye. Çogûn, qadeke zozanê ya heqê kirêya wê bi 25 hezaran, bi 50 hezar TL'yî dane wan.
Karkerên jin ên li Baxçeyên Hewselê dixebitin, rojê 14 saetan dixebitin û yewmiyeya wan 65 TL ye. Karkeran destnîşan kir ku ev yewmiye ne heqê keda wan e.
Rihayiyên ku ji ber kêmbûna avê dev ji erdê xwe berdane û erdnê din ji xwe re îcare kirine, ji ber zêdebûna mesrefan, qutkirina ceryanê û bihabûna avê zehmetiyê dikişînin. Cotkaran, destnîşan kir ku heger wisa dewam bike dê biçin karên demsalî bikin.
Şandeya HDP’ê ku bi karkerên çandiniyê û stranbêjan re hat bahev, têkildarî pirsgirêkan pêşniyarên xwe yên çareseriyê parve kirin. Kedkaran jî şertên giran û rewşa neyînî anîn ziman.
Li Semsûrê şitilên tûtinê hatin danîn. Hilberîneran xwest tûtina ku wekî "qaçax" tê dexmekirin berbayî siyasetê neyê kirin û gotin: "Dest me nedin, wekî din em tiştekî din ji we naxwazin."
HDP’iyan ‘Hevdîtinên Nan û Kar’ derbasî Antalyayê kirin û bi civîneke çapameniyê starta xebatên xwe dan. Endamê Komîsyona Aboriyê ya HDP’ê Erol Katircioglû, diyar kir ku Antalya navenda aboriya Tirkiyeyê ye û dê pirsgirêkên Antalyayê bibin meclisê.
Li Geverê bêrîvan derketin zozanan û pezên xwe didoşin. Bêrîvan dibêjin ew bi qatixên xwe debara xwe dikin.
Li Bazara Genim a Îmam Keskîn a Rihayê, keda hemalan tê xwarin. Hemal Omer Çakmak behsa şert û mercên kar kirin û got: "Li ber çavê civakê em ne tiştek in, ji ber ku em hemal in."