NAVENDA NÛÇEYAN - Agirê Jiyan, piştî 7 salan dê li Dusseldorfê konsera xwe ya ewil bide. 

 

Agirê Jiyan komeke navdar a muzîka Kurdî ye û xwedî gelek stranên hît e. Kom piştî sala 2018'an ket nav bêdengiyekê. Li gorî nûçeya ANF’ê; endamên koma Agirê Jiyan li Almanyayê dîsa li hev civiyan. Ev bû çend meh bi hev re provayan dikin. Art Recordsê ji bo Agirê Jiyan konserek amade kiriye. Konser dê di 6'ê Îlonê roja Şemiyê li bajarê Dusseldorfê saat 20:00'ê de dest pê bike. Cihê konsêrê jî Capitol Theater Düsseldorf e.

 

Roja Şemiyê ji bo Agirê Jiyan û hezkiriyên wan rojekê dîrokî ye. Kom piştî 7 salan cara yekemîn e ku konserekê bide. Agirê Jiyan dibêje: "Werin em stranên xwe bi hev re bêjin. Stranên ku xwedî bîranîn, dîrok û nostaljî ne."

 

HUNERMENDÊN DERKEVIN SER DIKÊ

 

Hunermendên ku wê sibe derkevin ser dikê û hunera xwe pêşkêş bikin:

 

Solîst: Alî Geçîmlî

 

Solîst & Gîtar: Şener Yildiz

 

Solîst: Eylem Aktaş

 

Vokal: Asli Zelal

 

Klavye & Orkestra Chef: Amed Tabar

 

Keman: Nûrê Dilovanî

 

FlÛt & Saksafon: Dilvan Ronî

Mey & Zirne & Tulum: Emrah Oguzturk 

Saz: Bulent Yildirim

Dahol: Mûrat Vural

E-Gîtar: Bariş Boyraz

 

KOMÊ 4 ALBÛM DERXIST 

 

Koma Agirê Jiyan heta niha 4 albûmên bi navên “Adarê (Adara 1996’an)” , “Helîn (1999)”, “De Were (2006)” û “Aştî (2014)” derxistiye.