Komelaya Çand û Ziman a Birca Belekê ji bo serdema havînê dest bi amadekariyên kursên zimên kirin. Hevserokê komeleyê Cahît Akil destnîşan kir ku ew ê li dijî polîtîkayên pişaftinê xebatên ziman bidomînin û got: "Tenê bi saziyên ziman ve em nikarin pêşî li polîtîkayên pişaftinê bigirin. Ji ber vê yekê jî ji bo ziman rewşeke awarte hewce dike."
Hunermendê NÇM'ê Engîn Cengîz destnîşan kir ku armanca polîtîkaya qeyûm, qirkirina çandî ye. Cengîz, da zanîn ku divê li hemberî vê yekê qadên alternatîf werin avakirin û got: “Ji bilî berxwedanê tu vebijêrkeke din nîne."
Hejmara 337’an a Rojnameya Xwebûn bi manşeta ‘Ev destpêk e’ derket û bal kişand ser meşa ku ji Stenbol, Îzmîr û Enqereyê dest pê kirî û dê heta Colemêrgê bidome.
Ji bo tevlibûna pêşbirka çîrok, helbest û wêneyan a Şehîd Denîz Firatê banga dawî hate kirin.
Ji Weşanên Aryenê yek jê bi kurdî, 3 pirtûkên nû derçûn. Pirtûkan zarokan a bi navê “Adarok” jî ji Weşanên Sînê derçû.
Pirtûka “Diyarbakır Sur’da Derin Yoksulluğun Görünmeyen Yüzü: Kadınlar” ya Endama Meclisa ŞAredariya Sûrê ya berê Bîrsen Guneş, gihaşt ber destê xwîneran.
Serlêdanên ji bo 31’emîn Xelatên Rojnamevaniyê yên Şehîdên Çapemeniya Azad û Mûsa Anter dest pê kirin.
Yek ji kesayetên navdar ê muzîka Kurdî Hozan Şemdîn albuma xwe ya bi navê “Zozanên Me” ku 12 stran tê de berhev kirine, pêşkeşî muzîkhezan kir.
Helbestên girtî Mazlûm Bataray ên ji aliyê îdareya girtîgehê ve wekî "talûke" hatibûn hesibandin, bi navê "Zaman Sigdirilanlar" wekî pirtûk hatin çapkirin.
6’emîn Rojên Ma Musicê ku îsal diyarî hunera Rênçber Ezîz hatibû kirin, bi konsera Koma Ma’yê bi dawî bû. Komê stranan diyarî berxwedana Colemêrgê ya li dijî tayînkirina qeyûm hat kirin.
Şaredariya Şemrexê bi kargeha Gerok Ma’yê li gundê Kesrikê şahiya çand û hunerê li dar xist.
Malbatên ku tevî zarokên xwe beşdarî Rojên Ma Musicê bûn, bal kişandin ser bandorên perwerdehiya bi zimanê dayikê û xwestin hemû malbatên zarokên xwe bişînin Akademiya Ma Musicê.
Li Cizîrê 3 sal in di bin navê xebatên restorasyonê de deriyên Birca Belek a dîrokî ji mêvan û xelkê herêmê re hatiye girtin û her çendî xebat hebin jî tedbîr nayên girtin û diwarên bircan hildweşin.
Civaknas Toprak Elesmer ku li Almanyayê çêbûye û mezin bûye, ji bo xurtkirina kurdiya xwe hatiye Amedê û beşdarî qursan dibe. Elesmer anî ziman ku li cem asîmlasyonê otoasîmîlasyon jî heye û got ku kurd dikarin bi axaftina kurdî ya li her derî hemû zextan bişikînin."
Beşdarvanan eleqeyeke zêde nîşanî aktîvîteya dawiya salê ku Dibistana Muzîkê ya Egîdê Cimo li dar xist, dan.