Malbatên ku tevî zarokên xwe beşdarî Rojên Ma Musicê bûn, bal kişandin ser bandorên perwerdehiya bi zimanê dayikê û xwestin hemû malbatên zarokên xwe bişînin Akademiya Ma Musicê.
Li Cizîrê 3 sal in di bin navê xebatên restorasyonê de deriyên Birca Belek a dîrokî ji mêvan û xelkê herêmê re hatiye girtin û her çendî xebat hebin jî tedbîr nayên girtin û diwarên bircan hildweşin.
Civaknas Toprak Elesmer ku li Almanyayê çêbûye û mezin bûye, ji bo xurtkirina kurdiya xwe hatiye Amedê û beşdarî qursan dibe. Elesmer anî ziman ku li cem asîmlasyonê otoasîmîlasyon jî heye û got ku kurd dikarin bi axaftina kurdî ya li her derî hemû zextan bişikînin."
Beşdarvanan eleqeyeke zêde nîşanî aktîvîteya dawiya salê ku Dibistana Muzîkê ya Egîdê Cimo li dar xist, dan.
MED-DER li ser hesabên xwe yên medya dijîtal bi zaravayên kurmancî û kirmanckî bi vîdeoyan dest bi hîndekariya kurdî kir.
Welatiyê bi navê Abit Sîdar bi malzemeyên xwezayî ên ku li Çiyayê Cûdî berhev dike vediguherîne karekî hunerî. Sîdar xwest ku her kes xwedî li Cûdî derbikeve û got: "Ez dixwazim bi veguherandina bedewiyên Cudî bigihînim siberojê. Cûdî cihê destpêkê yê mirovahiyê ye, lewma divê bê parastin û hembêzkirin."
ARSÎSA ku 4 sal in li navçeya Erdîşê li ser kurdî dixebite, li ser daxwaza gel biryar da ku şaxeke komeleyê li navçeya Rêya Armûşê jî veke.
Pêşangeha “Dest bi dest berxwedana me’ ku xêzên Fîgen Yuksedag û gelek girtiyên siyasî di nav de hebûn, rastî eleqeyeke zêde hat.
Hunermend Mehmet Atli li Amedê 30 saliya hunermendiya xwe bi konserek ezamet pîroz kir.
Orkestraya Mezopotamyayê ku bi pêşengiya hunermendên kurd bi dirûşmeya "orkestrayeke demokratîk" hat avakirin, hewl dide ji neteweyên cuda hunermendan bîne cem hev.
6’emîn Rojên Ma Musicê dê 1’ê hezîranê dest pê bike û diyarî hunermend Rênçber Ezîz tê kirin. Perwerdekarê Ma Musicê Ferhat Ertaş banga tevlibûnê kir û wiha got: “Werin em rewşa heyî ya Amedê veguherînin kurdî.”
“6’emîn Rojên Ma Mûsîcê” yên Akademiya Ma Mûsîcê di 1’ê hezîranê de dest pê dikin.
Vekirina pêşangeha “Berxwedana me dest bi dest” ku dê wêneyên jinên girtî xêz kirine tê de cih bigirin, dê sibê were lidarxistin.
Şanoger-lîstikvan Erdal Kaya bi Stand-Upa xwe ya “Vik û Vala” li Amedê derket pêşberî temaşevanan û bi lîstika 100’emîn ango bi lîstika li Amedê xatir ji vê serdemê xwest.
Keşîşxaneya Deyr Mor Yakup a dîrokî ya li Sêrtê dê bê restorekirin. Emîn Evîn ku ersaya keşîşxane di nav de kiriye wiha got; “Min nexwest xiyanetê li xeyalên dapîra xwe bikim” û erdê keşîşxaneyê ji bo restorasyonê bexşî Weqfa Keldanan kir.