Serê Salê ya ku di 13’ê Çileyê de ji hêla gelê Kurd ve tê pîrozkirin, îsal dê li Amedê bi çalakiyên cuda were pîrozkirin. Hevserokê Komeleya Çand û Hunerê Celal Ekîn banga tevlibûna pîrozbahiyan kir.
Rojnameger Argeş Şengalî ku di dema kişandina belgefîlma “73”yê de li gel rojnameger Nazim Daştan ê hatî qetilkirin azadî û êşên Şengalê kiribû belgefîlm, wiha got: “Em ê proje û xeyalên Nazim ên nîvco mayin bi cih bînin."
Tevgera Çanda Jinan a Kevana Zêrîn, bi boneya salvegera qetilkirina Sakîne Cansiz klîbeke bi navê “Sakînayê” amade kir û weşand.
Lîstika şanoyê Mêdêa dê derkeve turneya Kurdistanê û beriya turneyê dê di 3'ê çileyê de li Amedê were lîstin. Derhênera lîstikê Zelal Angay da zanîn ku şanoya kurd li hemberî zextan li ber xwe dide.
Hunergaha Welat ji bo şervanên ku li dijî êrîşên li ser Bakur û Rojhilatê Sûriyeyê li ber xwe didin, klîba bi navê "Gujje Çemê Me" weşand.
Romana Sadiq Ûskan a bi navê "Gurê Manco" têkoşîna gundekî li hemberî cinawirekî vedibêje. Di destên gundiyan de tenê çifteyek û tifaqek heye. Roman; hem rabirdû hem jî zemanê îro yê vê erdnîgariyê, bi zar û zimanekî şêrîn û herikbar vedibêje.
Weşanxaneya Aramê di roja dawî ya sala 2024’an de 5 jê bi Kurdî û 3 jî yên çapa duyemîn, bi giştî 17 pirtûkên nû çap kir.
Nûnerên saziyan ên tev li foruma Tora Xebatên Zimanê Kurdî bûn diyar kirin ku ji bo xebatên ziman û zextên li ser ziman ew bêhtir bên gel hev.
Şanoyên kurdî yên Yenî Sahneyê ku piştî lîstikên wê hatin qedexekirin derket pêş, bilêtên wê nayên peydakirin. Ji damezrînerên Yenî Sahneyê Yakup Selîmoglu got: "Lê belê her ku êriş dikin, eleqeya gel jî zêdetir dibe."
Weşanxaneya Aryenê di dawiya salê de, pirtûkên bi navên "Bavê Min ê Mitirb", "Şerê Başûr: Çepera Batufa", "Rojnivîska Helbestî" û "Zimanê Me" çap kir.
Hunermendên Kurd li dijî êrişên ser Bakur û Rojhilatê Sûriyeyê banga xwedîderketinê kirin û wiha gotin: “Em xwedî li şoreşa jinê Rojava derkevin.”
MEDYA-DER hedef dike ku di sala nû de ji bo zarokan poleke nû veke û hejmara xwendekaran derxîne ser 100 kesan.
Hejmara 262’yemîn a Rojnameya Xwebûnê bi manşeta “Pênûsa heqîqetê bûn” derket û bal kişand ser qetilkirina rojnameger Cîhan Bîlgin û Nazim Daştan.
Li Silopiyayê ku piştî salan cara yekem şanoya kurdî hat vekirin, di nava 4 mehan de 6 şanoyên kurdî hatin nivîsandin. Mamosteyê şanoyê Mahsum Asilkan diyar kir ku armanc dikin ku li hemû bajarên Kurdistanê bigerin û got:" Heke ku derfet çêbibe em dixwazin ku biçin hemû bajarên Kurdistanê û Ewropayê û listîkên xwe bilîzin."
Wezareta Karê Hundir a dewleta Tirk qedexekirina lîstika şanoyê ya bi Kurdî “Qral û Travîs” parast û îdia kir ku bi vê qedexeyê re “Pêşî li sûc girtine” û “ewlehiya cemaweriyê” parastine.