Li Qilebanê di bi navê “lêgerîna madenan” dever tên kolandin û hafriyatên wan jî bi awayekî bêserûber diavêjin hawirdorê û çeman. Di çarçoveya xebatan de dar tên birîn û av tên qirêjîkirin.
Li Taxa Qitkan a Payîzava ya Wanê şewat derket. Di şewatê de 5 hezar gurzên giya û 20 tonên kayê şewitîn.
Wezareta Enerjî û Çavkaniyên Sirûştî destûra lêgerîna petrolê ji bo 2 qadên li Sêrt-Şirnex û Rihayê da Hevkariya Anonîm a Petrolên Tirkiyeyê (TPAO).
Li gundê Hesena yê suryanan birîna daran berdewam dike.
Rêxistina HDP’ê ya Bajêr a Şirnexê li dijî birîna daran daxuyanî da û got: “Li herêmê ne tenê dar tên birîn her cure zindî tên tunekirin. Bêdeng nemînin.”
Li herêma Rîsor a Bestayê ev du sal in bênavber dar tên birîn. Şêniyên herêmê da zanîn ku bi hinceta rêyan heta niha qira daran hatiye anîn û wiha gotin: “Ji bo bêhtir daran bibirin dê rêyên nû çêbikin. Heke wiha bidome dê heta dawiya salê Rîsor mîna çolê bibe.”
Hawirparêzan bertek nîşanî birîna daran û talankirina xwezaya Şirnexê dan û gotin ku divê li dijî qirkirina xwezayê bertek bên nîşandan û wiha gotin: “Heke birîna daran wiha bidome dê li herêmê qadên jiyanê nemînin. Werin em bi hevre bibin nefesa Şirnexê.”
Li Şirnexê Tevgerên Hawirdorö û STK li dijî birîna daran daxuyaniyeke hevpar dan û gotin: "Heta em xwezaya xwe azad bikin em ê bitêkoşin."
Hevseroka Giştî ya DBP’ê Salîha Aydenîz, têkildarê birîna daran a li Şirnexê daxuyanî da û got: “Ev talana ku li erdnîgariya Kurdistanê tê kirin, polîtîkaya şer e.”
Partiyên siyasî û rêxistinên civaka sivîl bertek nîşanî birîna darên li Şirnexê dan û gotin ku “ewlekarî” hincete e û ev pirs kirin: “Çima di mijara qirkirina xwezayê de cudahiyê têxin navbera herêman?”
Hevserokê HDP'ê yê Şirnexê Abdullah Gûngen anî ziman ku dewlet polîtikaya xwe ya salên 90'an bi darbirînê dubare dide meşandin û got:" Wan salan bi şewitandina gundên şeniyên herêmê koçber kirin,îro jî bi birîna daran heman tiştî dikin."
Li gundê suryaniyan ê Hesena yê navçeya Silopyayê talankirina daran a di bin kontrola leşkeran de ku duh dest pê kiriye didome. Hat destnîşankirin ku leşkerên ku daran dibirin ji welatiyan re gotine: “Dixwazin qebûl bikin dixwazin qebûl nekin, em dê daran bibirin.”
Aktîvîstê Ekolojiyê Mûrat Bîlgîç têkildarî talankirina xwezaya Kurdistanê û herê dawî darên ku li Şirnexê tên birîn axivî û got: “Sazî û dezgehên netewî û navnetewî wexta mijar dibe xwezaya Kurdistanê be kerr, kor û lal dibin."
Li navçeya Sokeyê agir bi daristanê ket û demekî kin berbelav bû. Şewata li Sokeyê ber bi saetên serê sibehê ve heta astekî hat kontrokirin.
Li Şirnexê lidijî talankirina xweza û birîna daran daxuyanîyek girseyî hat lidarxistin. Di daxuyaniyê de hat destnîşankirin ku bi vê talankirina xwezayê re mafê bi tevahî gel û zindiyan hatiye binpêkirin û banga xwedî derketina li xwezayê hat kirin.