Doza li dijî Projeya Borana Kendava Îzmîrê hat vekirin hîn jî bi encam nebûye û her wiha çêkirina projeya ku li herêmê dibe sedema texrîbatên mezin bênavber didome. Odeya Plansazên Bajêr, diyar dike ku dê ev proje bi kêrî trafîka bajêr neyê.
Madena Zêr a Kozayê cewhera li Bergamayê bi dawî kir û ji madenên cuda cewhera ku aniye bi hilberîna siyanurê re hilberînê dewam dike. Herêma ku gund tên valakirin nexweşiyên pençeşêrê zêde dibin û ev di nav civakê de gelekî tê nîqaşkirin, divê demil dest li herêmê lêkolîn di vê der barê de bên kirin.
Tevî hemû derhuqûqî û îmzeyên sixte yên derketin holê jî, xebatên ji bo santrala nukleerî ya Akkûyûyê berdewam kirin û niha ber bi dawiyê ve diçe. Berdevkê NKP’ê ya Mêrsînê Parêzer Alpay Antmen wiha got: “Tenê ne Mêrsîn wê Antalya, Kibris yanî tevahiya Rojhilatê Behra Spî bi talûkeyê re rû bir û bimîne.”
Her diçe mirina masiyên Çemê Dîcleyê zêde dibin. Parêzvana jiyanê Guner Yanliç, dest nîşan kir ku cureyên masiyên endemik ên di çem de bi tunebûnê re rû bir û ne û tiştên dibin sedema masiyan yeko yeko rêz kirin.
Berdevka Plaftorma A ya li Antalyayê û derûdora wê têkoşîna li dijî HES'an dide, Hediye Gunduz, aşkera kir ku têkoşîna herî xurt a li dijî HES'an bi zanekirina gel pêkan e.
Çiyayê Madrayê bi berû û çamên xwe yên reş tê zanîn, aliyê wê yê bakur Çiyayê Şapê heye û di bin gefa fîrmayên siyanurê de ye. Berdevka BURÇEP'ê Hatîce Engîn, aşkera kir ku dê jehreke ku bandora wê 100 salan dewam bike li pişt xwe bihêle.
Folkart Yapi ya malbata Ethem Sancak li ber Kulturparka li herêma Basmaneyê ya navçeya Konakê balaxaneyek (gokdelen) ava kir. Endamên Platforma Kulturparkê bertek nîşanê balaxaneyê dan û aşkera kirin ku desthilatdariyê tenê îxanetî Stenbolê nekiriye, îxanetî Îzmîrê jî kiriye.
Sûlava Bêgirê yek ji cihê herî girîng ên turîzmê ye. Ji ber HES li ser çem hatine çêkirin, hem berê avê guheriye hem jî avê kêm bûye.
Serokê Komeleya Dildarên Valîdebagê Arîf Belgîn, anî ziman ku wê lêgerînên sondajê yên ji bo jeotermalê li Dehla Valîdebagê bibe sedema mirina bi hezaran dar û bûneweran.
Projeya Avdaniyê ya Deşta Barakê ku xaka navbera Dîlok-Hatayê dihewîne, 5 sal in hîn nehatiye temamkirin. Şêniyên deştê, darên xwe yên fisteqan û zeytûnan ên ji ber bêaviyê hişk bûne, dikin ardû.
Piştî Komîsyona Butçe û Planê ya Meclisê mêrg, daristan û zozan ji şirket û sanayiyê re vekir, bertekek tund ji ekolojîstan hat û hat diyarkirin ku dê ev yek bibe sedema talana xwezayê.
Endamên Parastina Bajêr a Bakirkoyê, ji bo eraziyên Nexweşxaneya Nexweşînên Ruh û Damargiriyê ya Bakirkoyê ku ji îmarê re hatine vekirin wiha gotin: “Wek welatperwerên vî welatî em li dijî vê talanê serî rakin.”
Bi dehan ocaxên keviran ên li Çiyayê Amanosê hatine avakirin, her der talan û wêran kirin. Nebatên gîha yên ku li gelek cihan nayên dîtin, bi vekirên kanan keviran re tune dibin.
Projeya Rêjeya Mordoganê ya aydê Ayen Enerjiyê dixwaze li trîbunên bayê yên li Karabukê yê nû zêde bike, rapora "Erênî ya ÇED'ê" cara duyemîn bi daxwaza dadgehê hat rawestandin. Heta niha li herêmê 115 trîbun hatin çikandin.
Ji ber sondaja qaçax, avdana zeviyan û kêmasiya baranê di meha Tîrmehê de sedî 50 ava Sûlava Dudenê kêm bû, bi xebata şaredariyê ji miçiqandinê rizgar bû. Bi hatina biharê re pelên ku diweşin, dîmenekî bêhempa dide sûlavê û mêvanên xwe sermest dike.