NAVENDA NÛÇEYAN - Di konferansa navneteweyî ya ku wê di 11-12 'ê Nîsanê de li bajarê Roma ya Îtalyayê bê lidarxistin de, wê siberoja kampanya "Ji Abdullah Ocalan re azadî, ji pirsgirêka Kurd re çareseriya demokratîk" bê nîqaşkirin. Ji 16 welatan zêdeyî 300 delege wê tevlî konferansê bibin.

 

Ji bo Rêberê Gelê Kurd Abdullah Ocalan wê di 10'ê Cotmeha 2023'an de bi beşdariya hemû beşên piştgiriyê didin kampanya "Ji Abdullah Ocalan re azadî, ji pirsgirêka Kurd re çareseriya demokratîk" a di asta navneteweyî de hat destpêkirin, konferansek bê lidarxistin. Konferansa ku wê li bajarê Roma ya Îtalyayê di 11-12 'ê Nîsanê de bê lidarxistin, ji aliyê Buroya Enformasyonê ya Kurdistanê û komîteya çalakiyê ya navneteweyî ve tê organîzekirin. Konferans bi malovaniya Konfederasyona Karkeran a Îtalyayê (CGIL) pêk tê. Di nava beşdarên konferansê de Alîkara Şaredarê Bolognayê Emîly Clachy jî heye ku herî dawî welatîbûna rûmetê da Abdullah Ocalan.

 

JI 16 WELATAN ZÊDEYÎ 300 DELEGE WÊ BEŞDAR BIBIN

 

Ji 16 welatan zêdeyî 300 delege wê tevlî konferansê bibin ku nûnerên tevgerên ku piştgiriyê didin tevgera navneteweyî a li parzemînên cuda jî wê tevlî bibin. Di konferansê de wê encamên pêngava ku ev 2 sal in bi çalakiyên tund û domdar dewam dike, kampanya, konferans, çalakî û însiyatîf werin nîqaşkirin. Wê bandorên 'Banga Aştî û Civaka Demokratîk' a Abdullah Ocalan a 27 'ê Sibatê li Rojhilata Navîn û Kurdistanê bê nîqaşkirin. Di konferansê de ku ji siyasetmedaran heta sendîkavanan, ji parêzeran heta aktîvîstan, nûnerên tevgera ciwanan û jinan tê veqetandin, wê amûr û rêbazên ku ev tevger di dema pêş de jî dewam bike, bên nîqaşkirin. Şandeyên ji hikûmeta Bakur-Rojhilatê Sûriyê û Partiya Wekhevî û Demokrasiyê ya Gelan (DEM Partî) jî dê der barê geşedanên herêmê de agahiyan bidin.

 

Konferans wê di 11 'ê Nîsanê saet di 15:00 de bi muzîka zindî û performanseke ku balê dikişîne ser ramanên Abdullah Ocalan, destpê bike. Di vekirinê de sîmon Dûbbîns ê ji sendîkaya UNITE ya Brîtanyayê ku ji bo azadiya Abdullah Ocalan pêşengî kir Profesor Kariane Westerheim û ji bo pêvajoya beşdariyê ya xelatgirên Nobelê û berdevka kampanyayê Zubeyde Zumrut wê axaftinan bikin. Êvara roja destpêkê wê li Navenda Çandê ya Araratê çalakî bê lidarxistin. Piştî xwarina ku bi xwarinên Kurdî hate amadekirin wê koma I Cumpari ku li ser muzîka kevneşopî ya Napolî xebatan dike, wê derkevin ser dikê.

 

SENDÎKA Û NÛNERÊN PARTIYÊN SIYASÎ JÎ WÊ TEVLÎ BIBIN

 

Di panela destpêkê ya ku wê di roja yekemîn de bê lidarxistin de wê encamên konferansê yên heta niha û panoramayeke giştî bê pêşkeşkirin. Di vê beşê de wê bi giranî sendîkavan û nûnerên partiyên siyasî biaxivin. Musteşarê Giştî yê Partiya Komunîsta Rifondazione Maûrîzîo Acerbo, ji Konfederasyona Sendîkayên Skoçyayê Mîke Arnott, sekreterê têkiliyên derve yê CTA Autonama Julian Aguirre ku li Arjantînê beşdarî kampanyayê bû, Serokê Daîreya Çandê ya Bajarê Romayê Massîmîllîano Smerîglîo, Parlamenterê Eyaleta Basqûê EhBildu wê beşdar bibin.

 

Di panela yekemîn a roja duyemîn a konferansê de wê lêkolînên hiqûqî yên di warê azadiya Abdullah Ocalan de xwedî cihekî girîng in, bên nirxandin. Di panela ku wê moderatoriya wê ji heyeta Îmraliyê û Wezîra Edaletê ya berê ya Îzlandayê Ûgmûndûr Jonasson û ji parêzerên MAF-DAD'ê Şerîfe Ceren Ûysal, parêzerên Bûroya Hiqûqê ya Asrinê û parêzerên li qada navneteweyî însiyatîfê digirin bike de, wê axaftinan bikin. Panela duyemîn a der barê perspektîfên herêmî û cîhanî yên Abdullah Ocalan ên der barê aştî û civaka demokratîk de dê bi moderatoriya Amedeo Ciaccheri, Şaredarê 8'emîn ê Romayê û Berdevkê Hikûmeta Spanyayê Consuelo Nñez pêk were.

 

ENCAMNAME WÊ BI RAYA GIŞTÎ RE WERE PARVEKIRIN

 

Beşa dawî ya konferansê wê bi nêrîn, pêşniyar û rexneyên hemû delegeyan bi formateke forûmê pêk were. Di forûma du beşan de wê endama KNK'ê Nîlufer Koç, Hevseroka Navenda Lêkolînê ya CRED Parêzer Mîchela Arricale û ji bo endama Ocalan Parêzer Sarah Glynn çalakiya nobetê pêk were. Di vê beşê de wê li ser navê nûnerên tevger, kolektîf û komên heta niha destek dane kampanyayê, her wiha li ser navê komîteyên tevgerê yên li her welatî hatine avakirin axaftin bên kirin. Nûnerên Akademiya Modernîteya Demokratîk Rete Jin, Rete Kurdistan, Jîneolojî, GK, Tevgera Ciwanan, Komîteya Piştgiriya Kurdistanê ya ji Norwêcê, Jinên li Excelê wê biaxivin. Di forûmê de her wiha wê girêdanên onlayn ên bi komên ku tevkariyê li pêkanîna tevgerê li parzemînên cuda dikin, were kirin.

 

Encamnameya konferansa ku wê bi çar zimanan bê wergerandin (Kurdî, Îngilîzî, Spanî, Îtalî) wê di encama van nîqaşan de bi raya giştî re bê parvekirin.