NAVEND NÛÇEYAN - Serokkomar Tayyîp Erdogan li Serokê Giştî yê CHP’ê Ozgur Ozel, 500 hezar TL doza tezmîneta manewî vekir.
Serokkomarê AKP’î Tayyîp Erdogan, li Serokê Giştî yê CHP’ê Ozgur Ozel doza tezmîneta manewî vekir. Têkildarî mijarê parêzerê Erdogan Huseyîn Aydin ev tişt got: “Serokê Giştî yê CHP’ê Ozgur Ozel di 5’ê Tîrmeha 2025’an de piştî civîna MYK’ê di daxuyaniya çapemeniyê de der heqê serokkomarê me de îdiayên bêbingeh û heqaret kir û gef xwar. Bi vê boneyê, me der heqê wî de li Dageha Hiqûqê ya Giştî ya Enqereyê 500 hezar TL doza tezmînata manewî vekir. Ji ber heqaret li serokkomarê me kir û gef xwar, li Serdozgeriya Komarê ya Enqereye gilî hatiye kirin.”