AMED – Mahfuz Dorudemîr ê ku piştî 30 salan hate tehliyekirin li Amedê bi dirûşma “Bijî berxwedana zindanan” ve hate pêşwazîkirin.
Mahfuz Dorudemîr ê ku 30 salan girtî ma û herî dawî li Girtîgeha Tîpa T a Şakranê dihat ragirtin, duh hat berdan. Mahfuz Dorudemîr piştî 30 salan tehliye bû û hat Amedê. Mahfûz Dorudemîr ji aliyê girseyê ve bi dirûşma “Bijî berxwedana zindanan” hat peşwazikirin. Di peşwazîkirina Mahfuz Dorudemîr de nûnerên TUAY-DER a Amedê, malbata Dorudemîr û gelek kes amade bûn. Girse li duriyana 500 Evler kom bûn bi kulîlkan Mahfuz Dorûdemîr peşwazîkirin. Girseyê di pêşwazîkirinê de dirûşma “Bijî berxwedana zindanan’ berz kir govend gerand.
Mahfuz Dorûdemîr di sala 1996’an de li Mersînê hate girtin. Ji aliyê DGM ve hat darizandin û cezaya muebetê lê hate birîn. Mahfuz Dorudemîr di 30 salan de li girtîgehên Mersîn, Edenê, Konya, Amed, Merdîn û Îzmirê girti ma. Mahfuz Dorudemîr ê ku 30 salan girtî ma, duh hate berdan.