Serokê Karên Diyanetê Alî Erbaş di peyama çarçoveya 25’ê Mijdarê belav kir de projeya ku ew ê di çarçoveya têkoşîna li dijî tundiyê de pêk bînin eşkere kir. Di projeya Erbaş de li mizgeftan weaz û li qehwexaneyan sohbet heye.
Tevî hemû astengiyên polîsan jî jinan li Amedê bi pêşengiya DAKAP'ê bi dirûşmeya "Dem dema azadiya jinê ye" meşek li dar xistin. Jinan di meşê de diyar kirin ku dê têkoşîna hevpar a jinan bidome.
Jinên ku li dijî tundiyê li qadan gotinên xwe kirin yek, bi gotina “Em dest ji jiyana xwe jî ji mafên xwe jî bernadin” bersiv dan polîtîkayên hikumetê.
Berdevka Meclisa Jinan a HDP'ê Ayşe Acar Başaran, di meşa ku ber bi gundê Denîz Poyraz ve hat lidarxistin de axivî û ev tişt got: "Em li dijî polîtîkayê şer li her derê ne."
Li gorî rapora Tora Têkoşîna Tundiyê ya Amedê di salekê de 11 jin hatin kuştin û 965 jin bi tundiyê re rûbirû mane û 6 jinan jî ber bi xwekuştinê ve birin.
Parêzeran diyar kir ku jinên ji Doza Kobanê tên darizandin bi têkoşîna xwe tên sûcdarkirin û gazî jinan kirin ku beşdarî danişîna wê di 29’ê mijdarê de pêk were bibin.
Li gorî rapora Navenda Lêkolînên Qada têkildarî tundî û kuştina jinan, tenê di 83 rojan de herî kêm 74 jin hatine kuştin. 42 jin bi guman mirin, 28 zarok rastî tacîz û tecawizê hatine.
Malbata Şenyaşar ku Nobeta Edaletê diomîne, ev tişt got: "Wê jin qismetê bêyom ê welat biguherînin."
Li xeta metroyê ya Kadikoyê zilamê bi E.Y. ku hewl da bi amûra birîn êrişî jinekê bike hat binçavkirin. Hat diyarkirin ku li ser tawanbar qeyda 20 sûcên cuda heye.
Li gorî daneyên Wezareta Karên Hundir, ji destpêka salê heta 15'ê mijdarê li Tirkiyeyê 251 jin hatine kuştin.
Li Edeneyê Ekîn Yildiz Gokçe, ji aliyê kes an kesên nasnameya wan nediyar ve hat qetilkirin. Têkildarî cînayetê 3 kes hatin binçavkirin, li kesekî jî tê gerandin.
Sibê 25’ê Mijdarê ye. Jin li gelek navendan derdikevin meydanan û çalakîyan li dar dixin. Jin îro jî daxuyaniyan dan û gazî çalakiyên sibê kirin.
Rêberê PKK’ê Abdullah Ocalan diyar kir ku tundiya li ser jinê derketiye asta hovitiyê û wiha got: “Ev mirin ji şer xerabtir in. Ev yek mijara ewlekariya dewletê ye. Divê rêxistina jinê, bi rêxistinbûna civakî van çareser bike.”
Fûtbolvanên jin ku bi serketin û xîreta xwe feraseta "jin nikarin bi fûtbolê bilîzin" şikandin, niha armanca wan a sereke bibin şampiyon.
Di çarçoveya 25'ê Mijdarê de li gelek bajaran bi çalakî û bernameyên cuda hatin lidarxistin. Di çalakiyan de jinan bal kişand ser têkoşîna birêxistinkirî û banga teşhîrkirina polîtîkayên dijminanê yên li dijî jinan kirin.