Di doza Hasan Bîlgîlî yê bi sûcdariya tecawîzî Ç.B. kiriye tê darizandin de, derket holê ku li Nexweşxaneya Bajêr, ji ber li ser mînakên xwîn û mîzê yên ji Ç.B. hatin girtin, nehatiye nivîsandin ku “bûyer edliye”, hatine avêtin.
Aktîvîsta TJA’yê Zeynep Topçû, êriş û zextên li dijî aktîvîstên jin û saziyên jinan ên li herêmê weke “Dixwazin hebûna jinan û Kurdan qedexe bikin” nirxand û wiha got: “Bi darê darazê wê tu carî nikaribin me bêdeng bikin.”
Navenda Mafên Jinan a Baroya Rihayê, ragihand ku ji serê sala 2021'ê heya niha 15 jinan ji ber tahdeyê serî li wan daye û Parêzer Zeynep Kaya jî anî ziman ku fesixkirina Peymana Stenbolê, bêcezatiyê qanûnî kiriye.
Hevşaredara Qoserê Nîlufer Elîk Yilmaz û Hevşaredara Stewrê Gulîstan Oncu ku piştî qeyûm tayinî şûna wan hatibûn kirin hatibûn girtin û piştî 16 mehan hatin berdan, anîn ziman ku dê têkoşîna xwe ji cihê mayî bidomînin.
Parlamenterên jin ên HDP’ê pirsa “Dema hûn wek Wezîra Xizmetên Malbat, Xebat û Civakî û wek jinekê bi tundiyê re rûbirû bimînin, hûnê xwe bi çi biparêzin?” ji Wezîra Xizmetên Malbat, Xebat û Civakî Zehra Zumrut Selçûk kirin.
3 jinên li Mêrsînê ji ber tevli Meşa Şevê ya Femînîst a 8’ê Adarê bûne, ji aliyê Şaredariya Akdenîzê ya AKP'yî bi hêceta “Kod 29” ji kar hatin avêtin. Jinan anîn ziman ku wê têkoşîna hiqûqî bidin destpêkirin.
Jinên ku dê di 10'ê nîsanê de li Wanê li dijî biryara fesixkirina Peymana Stenbolê dakevin qadan, bang jinan kirin ku tevli meşê bibin.
Seroka Komeleya Jinan a Rosayê Adalet Kaya diyar kir ku zêxtên li ser komeleya wan tundiya dewletê ya bi sîstematîk e û wiha got: “Em li dijî van êrişan êdî pir bi hêrs in. Ev hêrs wê me zêdetir bi rêxistin bike û wê gavên bi hêztir bi me bide avêtin.”
TJA’yê bertek nîşanî operasyona li dijî Komeleya Jinan a Rosayê û binçavkirina jinan da û ev daxuyanî da: “Bi van binçavkirinan tê xwestin ku vîna jinan û têkoşîna wan bê kelemçekirin. Em ê li her derî têbikoşin.”
Di hilbijartina ku li Meclîsa Kosovayê hat kirin de Vjosa Osmanî weke serokkomara nû ya welat hat hilbijartin.
Bavê Gulnûr Kocabaş a li Manîsayê hatibû qetilkirin Umît Kocabaş, beriya danişîna sibê were dîtin banga piştevaniyê kir û wiha got: “Keça min kuştin, me nikarî bibin asteng lê ji bo ku keçen me yên din zirarê nebînin dixwazin bersûc bi cezayê herî giran bê cezakirin.”
Li navçeya Altineylulê, Emrah Kayadelen hevjînê xwe Seda Kayadelen qetil kir.
Ayşe Baran diyar kir ku dayika wê di 12 saliyê de bi darê zorê hatiye zewicandin û di encama tundiya zilam de jiyana xwe ji dest daye û xwest biryara betalkirina Peymana Stenbolê paş ve were kişandin.
Jinan vekişîna ji Peymana Stenbolê wek “fermana îtaetê” şîrove kirin û gotin: “Armanc ew e ku jinan tehakumî hepsa zilaman bikin. Daxwazên me dikarin serdestiya zilaman bipelixînin.”
Di serdema pêvajoya aştiyê Rêberê PKK’ê Abdullah Ocalan bi gotinên “Li welatek ewqas jin tên kuştin, ez nikarim bibin endamê vê dewletê” bertek nîşanî kuştinên jinan dabû. Ji roja hevdîtinên bi Ocalan re hatin qûtkirin û tecrîd hat kûrkirin yanî ji pêvajoya çareseriyê heta îro herî kêm 2 hezar û 289 jin di encama tundiya zilaman de jiyana xwe ji dest dan.