Derûnas Abîdîn Balkan, diyar kir ku wê pênaseyên Diyanetê rê li ber îstismarkirina zarokan vebike û balê kişand ser vî tiştî: "Di tenduristiya zarokên ku di navbera 14-16 saliyê de dizewicin de, nebaşbûnên zayendî û ruhî peyda dibin."
Endama Meclîsa Jinan a KESK’ê ya Stenbolê Ayfer Koçak, diyar kir ku AKP dixwaze civakek li gorî xwe ava bike û wiha got: “Dixwaze civakek di çarçoveya ol de ava bike. Diyanet ku hevpariya vê polîtîkayê dike, daxuyanî, fetwa û pênaseyên wê ne tesadufin.
HDP, li Amed û Bûrsayê konferansên jinan ên herêmê li dar xist. Hevseroka Giştî ya HDP'ê Serpîl Kemalbay di konferansa li Amedê de axivî û diyar kir ku sala 2017'an sala berxwedanê bû, wê sala 2018'an jî sala pêngav û destketinan be. Kemalbay wiha got: "Wê têkoşîna me bi ser keve û wê zilam wan têk biçe."
Jinên kurd ên siyasetmedar Sakîne Cansiz, Leyla Şaylemez û Fidan Dogan di 5'emîn sala qetilkirina xwe de li 29 navçeyên Stenbolê hatin bibîr anîn.
Li Kolana Sakarya ya Enqereyê jinên li hev kom bûn û xwestin pênasekirina Diyanetê ya têkildarî zewaca zarokan protesto bikin rastî mudaxeleya polîsan hatin.
Meclîsa Jinan a HDP'ê ya Wanê beriya 3’emîn Kongreya HDP'ê ya Giştî, bi dirûşmeya "Gotina em bêjin, hêza em biguherînin heye" konferans pêk anîn. Jinan di konferansê de peyama "Em dê bi hêzek mezin û bi gulan beşdarî kongreyê bibin" dan.
Di zivistanê de bi baranê re birha Çemê Dîcleyê bilind dibe û ji ber vê gelek qirş û qal bi avê re tên. Jin van qirş û qalan berhev dikin û wan di tendûran de dişewitînin.
Li Edeneyê jinan diyar kir ku divê zarok ne ji bo zewacê, ji bo zanistê bên teşwîqkirin. Jinan xwest Diyanet bê girtin û wiha gotin: “Ev rewş hewldaneke ku îstismarê dike tiştekî asayî. Bila îktîdara AKP’ê demildest destê xwe yê qirêj ji ser zarokan bikişîne.”
3 siyasetmedarên jin ên li Sîlopiyê hatin kuştin Sêvê Demîr, Fatma Uyar û Pakîze Nayir li Rihayê hatin bibîranîn. Jinên Rihayî, diyar kirin ku dildariya wan a têkoşîna azadiyê ya di nava komkujiya sedsalî de, ji bo wan mîras ma.
Parlamentera HDP'ê ya Amedê Feleknas Uca ji bo kuştina 3 jinên kurd ên siyasetmedar ku li Sîlopiya di 4'ê Çileya 2016’an de hatin kuştin ji meclîsê xwest Komisyona Lêkolîna Meclîsê ava bikin.
Meryem Merlan a piştî dîmenên dînamîtkirina Heskîfê temaşe kir ji Eskîşehîrê hat li Heskîfê bi cih bû, çîroka xwe ya bi Çemê Dîcle re dibe yek bi gotina “Hêdî hêdî diherike, lê di kûrahiya wê ya heft qatî de bahoz hene.” anî ziman.
Parlamentera HDP'ê ya Edeneyê Meral Daniş Beştaş, der barê doza cînayetên 3 jinên kurd ên siyasetmedar de diyar kir ku dibe dosya li Parîsê hatibe girtin, lê çareserî li Tirkiye ye. Beştaş, anî ziman ku vîna sîyasî li pêş ronîkirina cînayetan asteng e û wiha got: "Ger li Tirkiye vîna siyasî bixwaze dikare di 24 saetan de cînayeta Parîsê ronî bike. Dikare milê MİT'ê û milê têkiliya MÎT'ê ya bi saziyen din re jî ronî bike."
Baskê Jinan a Şaxa Komeleyên Çandê ya Elewiyan a Narliyê, bi qursên dan destpêkirin hem alîkariya komeleyê û cemxaneyan dike, hem jî çanda elewiyan zînde dike.
Jinên KESK’î xwestin diyanet bê girtin û wiha gotin: “Diyanet hewl dide, guhertinên qanûnî yên AKP’ê ku dixwaza biguhere, bi civakê bide qebûl kirin."
Jinan, diyar kirin ku pêkanîna "kincên yek tîp" li dijî jiyana wan êrîşe û wiha gotin: “Jin çawan ku ji bo mafê xwe têdikoşin, divê ji bo girtiyan jî têbikoşin.”