Aktivîsta TJA'yê Delal Tellîoglû Gemê diyar kir ku dewlet bi "Sala Malbatê" plan dike ku jinên li malê heps bike û go: "Em fikra ku jinê mehkûmî malê dike û ji jiyanê dûr dixe, qebûl nakin."
TJA, di çarçoveya çalakiyên 1’ê Gulanê de li bajarokê Dêrgulê bi jinan re civiya.
Hevseroka Şaxa SES'ê ya Amedê Yildiz Ok Orakê diyar kir ku desthilat bi qedexeya welidandina bi sezeryanê ya desthilatê dixwaze serdestiya li ser bedena jinê pêk bîne û got ku ji bo betalkirina rêziknameyê ew ê bikevin nava liv û tevgerê.
Platforma Jinan a Wanê bal kişand ser mirina 3 jinan a di nava hefteyekê de û got: “Ev pergala ku gefê li mafê jiyanê yê jinan dixwe, her carê hewl dide di bin navê ‘întîharê’ de xwe paqij derxîne.”
Jinên Amedê bertek nîşanî rêziknameya qedexekirina sezeryana plankirî ya li navendên tenduristiyê dan û xwestin ku ev rêzikname bê rakirin.
Li navçeya Miksê ya Wanê jina bi navê Zehra Gultekîn bi guman de mirî hat dîtin.
Li Balikesirê jina bi navê Ayten M. li mala xwe bi awayekî gumanbar mirî hat dîtin.
Ji bo Dayika Aştiyê Sakîne Arat mewlûd hate dayin. Berdevka Meclisa Dayikên Aştiyê Havva Kiran di mewlûdê de axivî û got: “Em wê bi hezkirina xwe bi bîr tînin. Bila ev bîranîn bibe wesîleya aştiyê.”
Peywirdara Navenda Şêwirmendiya Psîkolojîk û Hiqûqî ya Xwebûna Jin a Şaredariya Sûrê Dîlek Acar, tundiya fîzîkî ya li dijî jinan di rêza duyemîn û tundiya aborî jî di rêza yekemîn de cih digire.
Hejmara nû ya kovara Jinê bi manşeta “Têkoşîna jinan a li dijî newekhevî û zayendperestiyê” derket.
Salîha Aydenîz a DEM Partiyî ku beşdarî civîna jinan a li Êlihê bû, diyar kir ku felsefeya "Jin, jiyan, azadî" dê li dijî pergala dewleta mêr bi ser bikeve û got: "Di pêşengiya jinan de avakirina civakeke azad, ekolojîk û demokratîk wê pêş bikeve."
Di ser mirina biguman a Rojîn Kabaişê re nêzî 7 meh derbas bûn. Lêpirsîn bi biryara veşarî tê kirin û pirsên krîtîk bêbersiv dimînin. Hat diyarkirin ku parêzer dê hefteya bê dîsa bi dozger re hevdîtinê bikin.
Şertê kontrola edlî ya ji bo çawişê pispor ê ji ber mirina bin guman a Meryema Hasanoglû dihat darizandin û hatibû tehliyekirin, hate rakirin. Parêzer Berfîn Ozan got ku piştî biryara tehliyeyê ji malbatê re peyam hatine şandin û gef lê hatine xwarin.
Endama TJA'yê Ayşe Mînaz ku kuştina jinan û tundiya li jinan ya li Kurdistanê zêde bûye nirxand û got: "Jinên kurd ji ber ku xwedî nasnameya siyasî ne, di hemû mekanîzmayan de dibin hedef."
Rejîma Îranê li gotina stranan li 7 jinên hunermend qedexe kir.