Salîh Kuday ê ku cenazeyê birayê xwe Abdulkadîr Kuday ji ATK'ê wergirt wiha got: “Tabût nîşaneya dijminatiya bi îşkence ye. Ev hemû bi tecrîdê ve girêdayî ne. Heta ku ev tecrîd neyê şikandin wê ev darbest ji girtîgehan derkevin."
Rojnamevan Gulistan Tara û Hêro Bahadîn ên ji aliyê Tirkiyeyê ve hatin qetilkirin, di roja 40’emîn a şehadeta xwe de li Silêmaniyê hatin bibîranîn.
Dê ji bo xwendekara zanîngehê Rojîn Kabaîş ku ev 6 roj in winda ye û 5 roj in jî lê digerin, ji Çanakkaleyê cîhazê lêgerînê yê di nava avê de dixebite bînin.
Serokwekîlên komên DEM Partî, CHP û Partiya Saadetê çûn serdana Serokê AYM’ê Kadîr Ozkaya. Di rojeva serokwekîlan de rewşa girtiyên nexweş û Can Atalay hebû.
Komîsyona Girtîgehan a ÎHD’ê diyar kir ku girtiyê nexweş Abdulkadîr Kuday bi eşkereyî terkî mirinê hate kirin û wiha got: “Mafê Kuday ê xatirxwestinê jî hate binpêkirin.”
-Endamên Hewldana Edaletê ya li Dijî Tecrîdê li MKG’ê bi rojnamegeran re civiya û têkildarî xebatên dê demên pêş de bikin agahî dan rojnamegeran.
Li Edeneyê nûnerên partiyên siyasî û rêxistinên sivîl ên civakî bal kişandin ser binpêkirinên mafan ên li girtîgehan û xwestin ku qanûna înfazê ya veguheriye cezakirineke duyemîn bê guherîn.
Hevşaredarên Xelfetiyê li navçeyê seferberiya paqijiyê dan destpêkirin û tevî gel kolan paqij kirin.
Hevserokê Giştî yê DEM Partiyê Tuncer Bakirhan silavdayina Devlet Bahçelî axivî û wiha got: “Me berê jî gotibû ku em amade ne bi hemû destên dê bibin wesîleya hizûra Tirkiyeyê bigirin û piştgiriyê bidin gavên di vê mijarê de tên avêtin.”
Walîtiya Amedê ragihand ku di dema “operasyona narkotîkê” ya li gundê Pêçar ê navçeya Licê de hatiye kirin kesek hatiye kuştin.
Hêzên Ked û Demokasiyê yên Edeneyê gefxwarina rêveberên ÎHD’a Edeneyê şermezar kirin.
Hêzên Têkoşîna Yekgirtî bertek nîşanî girtina rojnamevan Lutfiye Bûrcû Kara dan û ev bang kir: “Demildest berdin.”
Berdevkê Wezareta Karên Navxweyî ya Iraqê ragihand ku DAIŞ’ê êrişî leşkerê wan kiriye û 4 leşker hatine kuştin.
Ji parêzerên Buroya Hiqûqê ya Sedsalê Îbrahîm Bîlmez ku bi CPT’yê re hevdîtin pêk anî diyar kir ku di serdanê de rapora têkildarî serdana Îmraliyê anîne rojevê û xwestine ku CPT biçe hevdîtinek nû bike.
Li Girtîgeha Hejmar 2 ya Tîpa L a Rihayê 8 girtiyên li dijî guherandina qawîşan derketin hatin derbkirin û derheqê wan de bi îdiaya “Zirar dane malê cemaweriyê” 10 meh ceza danê.