Siyasetmedarê kurd Ahmet Turk destnîşan kir ku temenê vê siyaseta ku dixwaze kurdan tune bike ne dirêj e û gotinên “Em ê destûrê nedin kurd xwîna hev birêjin” ên Mesûd Barzanî bi bîr xist.
Cîgirê Hevserokên Giştî yê HDP’ê Umît Dede anî ziman ku îdianameya derbarê HDP’ê de ji raya giştî tê veşartin.
Hevseroka Giştî ya DBP’ê ku di Konferansa Jinan a HDK’ê de axivî, destnîşan kir ku jinên kurd ji bo ‘rêya sêyemîn’ bedelan didin û wiha got: “Îro çawa hevalên me ji bo hevserokatiyê û wekheviyê di girtîgehan de têdikoşin em ê jî li qadan têkoşîna vê yekê bidin.”
Serokê û rêveberên TÎP’ê, EMEP’ê, TOP û Malêngel, diyar kirin ku HDP li pêşiya sazûmankirina faşîzmê asteng e û banga piştevaniya li dijî doza girtinê kirin.
Parlementera HDP’ê Dersîm Dag xwest ku sedema şewatên daristanan ên li heremê her ku diçe zêde dibin bên lêkolînkirin.
Hevseroka Giştî ya HDP’ê Pervîn Bûldan, diyar kir ku bila hikûmet encama doza girtinê bihesbîne ne HDP û wiha axivî: “Daraza ku nikare li dijî rêxistinên sûc derbikeve, ji nû ve darbarê HDP’ê de doza girtinê vekir û ji bo pergala mafyayê bûye mertal.”
Parlementera HDP’ê Feleknas Ûca, firotin û birîna darên li ser sînorên Herema Kurdistana Federe ku operasyona artêşa tirk lê didome, bir rojeva Meclîsê.
Hevserokê KNK'ê Ahmed Karamû, geşedanên dawî yên li başûrê Kurdistanê nirxandin û destnîşan kir ku li gorî daxuyaniyên tên dayîndi navbera Tirkiyeyê û hikûmeta Herêma Kurdistanê de peymaneke firotina xaka Başûr hatiye îmzekirin û ev tişt got: "Ew deverên ku dar lê tên birîn bi riya peymanekî ku di navbera dewleta tirk û rayedarên başûr de çêbûye pêk tê."
Berdevka HDP’ê Ebrû Gunay, di navbera civîna MYK’ê ya partiya xwe de axivî û ji bo salvegera hilbijartinên giştî yên 7’ê Hezîranê ev tişt got: “Serkeftina siyaseta li dijî feraseta tekparêz e. Serkeftina milyonên ku dibêjin siyaset û jiyaneke din pekan e. Gunay, bersiv da Akşener jî û got ku pêwistiya HDP’ê bi aqlê wê tune ye.
Meclîsa HDP’ê, ya ku ji bo kûrbûna krîza siyasî binirxîne civiya, di encama danezana xwe de bal kişand ser tecrîda li dijî Rêberê PKK’ê Abdulah Ocalan û got: “Têkoşîna li dijî tecrîdê di heman demê de têkoşîna çareseriya aştî û demokratîk e.”
PYD`ê êrişa Tirkiyeyê ya li dijî kampa Mexmûrê şermezar kir û got: "Ev li dijî hemû qanûnên navneteweyî ye. Êrişên dewleta Tirk a dagirker li ser Kurdistanê û gelê wê xetere ne. Tirkiye bi van êrişan armanc dike ku şerekî navxweyî di navbera Kurdan de derxe."
HDP’ê îthafî gotina Mehmet Agar a “Em tûxleyek bikişînin wê dîwar hilweşe” bi daxwaza ku cînayetên “kiryarên wan nediyar” ronî bibin kampanyaya “Tûxle Bikişînin” da destpêkirin.
Mîthat Sancar, diyar kir ku sedama têkçûyîna di dewletê de, rizandina û mezinbûna pirsgirêkên civakî bi polîtîkayên ne çareserkirina pirsgirêka Kurd ve girêdayîne û got: “Divê têkoşîna li dijî tecrîd û bêçareseriyê were mezin kirin.”
Endamê Komîsyona Edaletê ya Meclîsê yê HDP'ê Mehmet Ruştu Tîryakî, bal kişand ser pakêta 4'emîn a darazê û wiha got: "Ev pakêtek xapînok e. Di pêvajoya ku têkiliyên dewlet-mafya-siyasetê tê niqaşkirin de, mirov nikare qala pakêta darazê bike. Ev pakêt baweriyê nade tu kesî."
Hevserokê KCD’ê Berdan Ozturk li Amedê di civîna gel de axivî û wiha got: “Di kesayeta Birêz Ocalan de bi milyonan kes tên tecrîdkirin. Divê em vê tecrîdê bişikînin. Heke em bişikînin, hem dê Birêz Ocalan hem jî em ê azad bibin."