Hevserokê Şaredariya Bajarê Mezin ê Amedê Selçûk Mizrakli ji girtîgehê name şand û got: "Li holê ne bûyerek heye û ne jî şahidek heye. Hemû pergala edaletê di xizmeta yek partiyê de ye. Ez bang li raya giştî ya neteweyî û navneteweyî dikim ku ji bo avakirina edelatê em têkoşîna xwe mezin bikin."
Hevberdevka HDK'ê Gulistan Kiliç Koçyîgît, diyar kir ku hikûmet dixwaze bi şer ser krîza rêveberinê û hemû pirsgirêkên welat bigire û ev tişt got: "Dê bi damezrandina partiyên ku Davûtoglû û Babacan amadekariya wan dikin AKP bikeve pêvajiya jihevketinê. Ji bo vê yekê 4-5 mehên pêş diyarker bin."
Serlêdana 5 meleyên ku ji meleyên di sala 2017'an li navçeya Silopya hatin îxrackirin û di dozên ku derbarê wan de hatin vekirin de beraat kirin a ji bo Komîsyona Rewşa Awarte, ji ber gotinên 'îxbarê' yên serokên navçeyê yên AKP-MHP'ê, namzetê şaredariyê, alîkarên qeyûman miftî û hin meleyan, hat redkirin.
Parlamenterê HDP'ê yê Êlihê Ruştu Tiryakî, di civîna beriya kongreya Rêxistina HDP'ê ya Êlihê de diyar kir ku dê li dijî êrîş zilmê yekîtiya gel ava bikin û wiha got: “An em dê wekî sedsala borî perçe perçe bibin, an jî em dê vê firsendê binirxînin û yekîtiyê ava bikin û qedera gelê xwe biguherînin."
Hevserokê Giştî yê HDP'ê Sezai Temellî, di kongreya asayî ya Rêxistina HDP'ê ya Rihayê de, bal kişand ser politikayên şer ên îktidarê û wiha got: 'Di encama polîtîkayên şer ên îktîdarê de ji para Kurdan re gule û ji ya Tirkan re jî sîyanur ma.
Rêxistina HDP'ê ya Artukluyê kongreya xwe ya navçeyê pêk anî. Di kongreyê de parlamentera HDP'ê ya Mêrdînê Ebru Gunay, bal kişand ser girîngiya Neteweya Kurd û got: "Ya ku Kurdan ji êrîş û şer bi parêze yekîtîya Neteweyî ye."
Hevberdevka HDK'ê Gulistan Kiliç Koçyîgît, di civîna meclîsa HDK'ê ya Mêrsînê de diyar kir ku di bingeha hemû pirsgirêkên Tirkiyeyê de neçareseriya pirsgirêka Kurd heye û wiha got: "Ji bo li vî welatî hemû pirsgirêk bên çareserkirin divê berî her tiştî pirgsirêka Kurd bê çareserkirin.
Hevserokê Giştî yê DBP'ê Mehmet Arslan, anî ziman ku bi şer bersivdayîna bangawaziya Ocalan a ji bo aştiyê wê pirsgirêkê çareser neke û ji bo CHP'ê ku tezkereya şer pesend kir got: "Temenê AKP'ê dirêj dike û di siyasetê de têk çûye."
Endamên Meclisa Şarededariya Rêya Armûşê, di civîna xwe ya meha mijdarê de binçavkirina hevşaredar Şehzade Kurt û Azîm Yacan û tayînkirina qeyûman şermezar kirin.
Serokê Giştî yê HAK-PAR’ê Latîf Epozdemîr da zanîn ku ji bo yekîtiya kurdan pêk were pêwîste peymanek hevpar û neteweyî bikeve meriyetê.
Berdevkê HDP’ê Gunay Kubîlay got çeteyên di operasyona li dijî Rojava de tên xebitandin dê bibin bela serê Tirkiyê. Kubilay CHP’ê û muxalefeta dinê ya ku dijminahiya kurdan jî dikin rexne kir û got: "100 hezar kesên wek makîneya sûc ji çeteyên OSO pêk tên dê çi bibe ji wan?”
HDP'ê şer danî ser pêşnûmeqanûna nû ya bacê ku hin sererastkirinan bi xwe re tîne û diyar kir ku sererastkirin rayeyên herêmî xestp dike û li dijî vê yekê rayeyên serokkomar berfireh dike.
Hevserokê DBP’ê Mehmet Arslan diyar kir ku ew ê di 30’ê mijdarê de bi rihê yekîtiya neteweyî kongreya partiya xwe li dar bixin û divê ev rojeva lezgîn a kurdan neyê paşda xistin.
Parlamenterê HDP’ê yê Mêrsînê Ridvan Tûran, diyar kir ku biryarên siyasî, îdarî û hiqûqî yên li dijî partiya wan, biryarên hiqûqî yên şerin û got: “Ji ber ku desthilatdarî wê biçe, paketa darazê xist rojevê.”
Serokê AKP'ê û Serokomar Recep Tayyip Erdogan, diyar kir ku wan hevjîna Serokê DAÎŞ'ê Ebu Bekir el Bagdadi yê ji aliyê QSD-DYA'yê ve hat kuştin, li Sûriyeyê girtine.