Serokê Giştî yê CHP’ê Kemal Kiliçdaroglû ber bi Wezareta Dadê ve meşiya, bertek nîşanî bêdengiya wezaretê ya di mijara êrişa zayendî ya li dijî H.K.G. a 6 salî da û wiha got: “Gelo li hemberî vê neheqiyê kî bêdengiya xwe didomîne?”
Parlamenterên HDP’ê yên di Lijneya Giştî ya Meclisê de têkildarî budçeya Wezareta Perwerdehiyê mafê axaftinê wergirtin, xwestin zimanê kurdî bibe zimanê fermî û pêşiya perwerdeya zimanê zikmakî were vekirin.
Parlamentera HDP’ê ya Rihayê Ayşe Surucu di hevdîtinên budçeyê de bal kişand ser hişkesaliyê û wiha got: “Ji qadên ber projeya GAP’ê diketin tenê li sedî 35’an avdanî tê kirin”
Wekîla Seroka Koma HDP’ê Meral Daniş Beştaş bersiva gef û heqaretên Suleyman Soylû da û got: “Yên ku ji te bitirsin bila wek te bin.”
Hevberdevka Partiya Çep a Keskan Çîgdem Kiliçgûn Ûçar di kongreya partiya xwe ya Amedê de axivî û diyar kir ku di bingeha bêhiqûqî û tundiya siyasal a li Tirkiyeyê dewam dike de bêhiqûqiya li Îmraliyê dewam dike heye û xwest tecrîd were rakirin
Hevserokê Partiya Çep a Keskan Îbrahîm Akin di Kongreya HDP’ê ya Navçeya Rişmilê axivî û diyar kir ku dema hilbijartinê dikare bibe destpêka stratejiyeke xurt a guhertina pergalê.
Parlamentera HDP’ê Tulay Hatîmogûllari bal kişand ser polîtîkaya şer a AKP’ê û wiha got: “Bacên ku em didin, weke OSO, HTŞ, bombe, tank û top li me vedigerin. Em vê yekê bi tu awayî qebûl nakin.”
Ozlem Zengîn a AKP’î li Lijneya Giştî ya Meclîsê axivî û li ser anîna rojevê ya terkkirina mirinê ya girtiyên nexweş a HDP’ê got: “Gelo Aysel Tûglûk ji girtîgehê derneket? Derket. Me ji bo ji mafên xwe yên qanûnê sûdê bigire hewl da.”
Parlamentera HDP’ê Şevîn Coşkun da zanîn ku di dema hevdîtinên bi Rêberê PKK’ê Abdullah Ocalan de ji bo budçeya parastin û ewlekariyê 45 milyar lîre û di sala 2023’yan de jî 460 milyar TL budçe hatiye veqetandin.
Parlamentera HDP’ê Gulistan Kiliç Koçyîgît diyar kir Tirkiyeyê gelek deverên Rojava dagir kirine û wiha got: “Tirkiye hewl dide pêşî li ber polîtîkaya îlheqkirinê veke.”
Parlamentera HDP’ê ya Şirnexê Nûran Îmîr da zanîn ku ji bo nivîsên fermî yên Swîsreyê bi kurdî bên nivîsandin qanûnek hatiye derxistin û wihan got: “Lê li Tirkiyeyê dema parlamenterekî kurd bi kurdî diaxive axaftina wî tê qutkirin û weke ‘bi zimanê X ê nayê zanîn axivî’ tê qeydkirin.”
Wekîlê Serokê Koma MHP’ê Levent Bulbul bi gotina “tûrê zer” gef xwar. Wekîla Seroka Koma HDP’ê Meral Daniş Beştaş li dijî vê gefê got: “Bedelên herî giran me da û em hatin vir.”
KNK’ê di Encamnameya Kongreya 21’an de rewşa dawî ya her çar parçeyên Kurdistanê, herêmê û cîhanê nirxand û wiha got: “Heke em bikarin yekitiya xwe xurtir bikin, em ê bikarin statûyeke mayînde ji hemû Kurdistanê re çêkin. Ji bo vê yekê divê hemû hêz, partî, sazî û rêxistinên me û hemû gelê me yê li çar aliyê welêt, seknekî neteweyî raber bike. Bi vî rengî em ê bikarin hemû plan û projeyên dewletên dagirker ên li dijî Kurdistanê pûç bikin.”
Hevserokê KCD’ê Berdan Ozturk ê li Agiriyê di civîna gel de axivî, bal kişand ser tecrîda li ser Rêberê PKK’ê Abdullah Ocalan û wiha got: “Ne tenê desthilata AKP’ê û MHP’ê, muxalefet jî parçeyekî vê tecrîdê ye.”
Hevjîna Mehmet Sîncar, Cîhan Sîncar diyar kir ku dewlet naxwaze dosyeya Sîncar ronî bike û bang li Meclisê kir ku berpirsiyariya xwe bicih bîne.