Di encamnameya PM’a DEM Partiyê de wiha hate gotin: “Mezinkirin û mayindekirina xeta têkoşîna hevpar a gelên Kurdistan û Tirkiyeyê ya li dijî faşîzmê, erka me ya sereke ye.”
Berdevka DEM Partiyê Ayşegul Dogan diyar kir ku pirsgirêka kurd bi polîtîkayên ewlehiyê çareser nabin û ji îktîdarê re got: “Hûn dikarin bi PYD’ê re hevdîtinê bikin.”
DEM Partiyê ji bo ku mûçeyê teqawîdan ê kêm û mûçeyê kêmtirîn bibe 32 hezar lîre û xercên ketin û derketina welat bên rakirin, pêşniyazname da Serokatiya Komîsyona Plan û Budçeyê.
Serokwekîlên Koma DEM Partiyê Gulistan Kiliç Koçyîgît û Sezaî Temellî ji bo lêkolînkirina Komkujiya Pirsûsê pêşnûme da Meclisê.
Di hevdîtinên pêşnûmeya têkildarî kuştina heywanan de 3 xal ji hêla komîsyonê ve hatin qebûlkirin. Hevdîtinên têkildarî pêşnûmeyê hatin taloqkirin.
Parlamenterê DEM Partiyê Sînan Çîftyurek bang li PDK û Mesûd Barzanî kir ku li dijî şer helwesta xwe nîşan bidin û got: “Pêwîste li dijî projeya dagirkeriyê ya Tirkiyeyê helwesta neteweyî bê nîşandan.”
Parlamentera DEM Partiyê Meral Daniş Beştaş diyar kir ku Girtîgeha Îmraliyê ya ku Rêberê PKK'ê Abdullah Ocalan lê tê ragirtin weke dojeh hatiye dîzaynkirin û got: "Malbatên wan jî nizanin nexweş in yan dijîn an najîn."
Serokwekîlê Koma DEM Partiyê Sezaî Temellî nerazîbûn nîşanî girtina rojnamevan Sadik Topaloglû da û diyar kir ku tedawiya çavê wî didome û heke ku astengiyek derkeve dê çavê wî nebînin.
DEM Partiyê diyar kir ku îktîdara AKP’ê bi paketa darazê ya aniye Meclisê re dixwaze berjewendiyên xwe yên siyasî mîsoger bike û di serî de gelê kurd dê mafên derdorên cuda jî xesp bike. DEM Partiyê şerh danî vê paketê.
MYK ya DEM Partiyê ji bo ku geşedanên di rojevê de binirxîne, li navenda giştî ya partiyê civiya.
Cîgirê Serokê Giştî yê CHP’ê Burhanettîn Bulut da zanîn ku rêveberiya Sûriyeyê daxwaza hevdîtinê ya Ozgur Ozel qebûl kiriye.
DEM Partiyê bal kişand ser krîza aborî, bihakirina kirêya xaniyan û ji bo desteka kirê ji welatiyên feqîr re bê temînkirin, pêşniyarqanûnê da Meclisê.
Parlamenterên DEM Partiyê yên îdiayên ku gelê Amedê weke “kobay” hatiye bikaranîn birin rojeva Meclisê xwestin ku îdia bên lêkolînkirin.
Serokê Giştî yê CHP’ê Ozgur Ozel di komcivîna partiya xwe de got: “Tu meaşan zem bikî wê debar bibe, tu zemê nekî dê hilbijartin çêbibe. Heke hûn dixwazin meaşê wê bê zemkirin, îro êvarê lembeyên xwe pêxin û bivemirînin.”
Serokwekîla Koma DEM Partiyê Gulistan Kiliç Koçyîgît bertek nîşanî daneyên hesabkirina enflasyonê yên TUÎK’ê da û got: “Li gorî TUÎK’ê hêkek 2.47 lîre ye, kîloyek pîvazên hişk 7.76 lîre ye. Navnîşanê bidin me em jî biçin wê markete danûstandinê bikin.”