Sendîkaya karkeran biryara MESS'ê ya dûrxistina komî red kirin û diyar kirin ku ger daxwazên wan pêk neyê dê di 5'ê Sibatê de dest bi grevê bikin. Serokê Metal-Îş a Yekbûyî Adnan Serdaroglu, anî ziman ku biryara grevê stendine û ger ku MESS daxwaza wan pêk neynîne dê di 5'ê Sibatê de dest bi grevê bikin.
Li Wanê welatiyên ku ji ber buhabûna fiyetê ceryan û gaza xwezayî nikarin fatûreyên xwe bidin gotin: "Ne bac, xeracê ji me digirin".
Sendîkaya Pîşesazên Metalê ya Tirkiyeyê, li ser biryar girtina grevê ya 130 hezar karkerên metalê, biryara ji kar dûrxistinê girt û ji borsayê re ragihand.
Baroya Amedê, ji bo betalkirina zema avê ya qeyûmê Amedê ya ji sedî 330'yî doz vekir.
Nûnerên partiyên siyasî yên Wanê, anî ziman ku sedema krîza aborîji be rpolîtîkayên şer ên ê hikûmetê ye û ji bo çareseriyê jî pergaleke demokratîk pêşniyar kirin.
Sendîkaya karsazan MESS ku daxwaza zemê ya 130 hezar karkerên metalê paşguh dike, li ser biryara grevê ya Sendîkaya Yekbûyî ya Metal-Îş'ê, pêşniyara xwe ya zemê ku di hevdîtinên TÎS'ê de weke ji sedî 8 anîbû ziman, derxist ji sedî 10'an.
Qeyûmê Şaredariya Bajarê Mezin a Mêrdînê fiyetê avê ji 2 TL'yan kiribû 6.25 TL. Piştî bertekan qeyûm cedwela zemkirina avê ji malpera şaredariyê rakir. Berdevkê Koma Meclîsê ya HDP'ê Mehmet Alî Amak, got: "Nelirêtî kirin. Li ser sûc hatin zevtkirin".
Li Mêrsînê piştî ava lehiyê ziwa bû, zirara cotkaran jî xuya bû. Serokê Hilberînerên Ortualtiyê yên Akdenîzê Tansel Îzgî, xwest herêma wan wekî herêma afetê bê îlankirin û deynên cotkaran bên xerakirin.
Li Rêya Armûşê, kesekî ku li firinê dixebite, mehê 300 lîreyî heqê kirê dide, hezar lîreyî ji bo metbaxê xerc dike, 200 lîreyî heqê ceryanê dide, 130 lîreyî heqê tûp dide, 230 lîreyî heqê benzînê dide û ji bo 5 zarokên xwe yên diçin dibistanê jî hezar û 500 lîreyî xerc dike. Dûman, ji bo debara malbata xwe ya ku 9 kulfet in bike her meh 956 lîreyan deyndarê firinê ye.
Welatiyên ku ji ber krîza aborî êdî nikarin ji bin fatûreyan derkevin, gazin kirin û gotin: "Qezenc tune, lêçûn pir in".
Li Çîneyê, şîrketên madenê ser nexweşîna sîlîkozîsê digirin. Ûgûr Aydogdû ku bi hinceta krîza aborî ji kar hat derxistin, gava ji bo karekî nû serlêdanê pêk tîne pê dihese ku bi nexweşîna sîlîkozîsê ketiye. Her wiha Bûrhan Ozdemîr jî anî ziman ku heta niha 50 karker mirine û bêyî ku zanibin ji ber nexweşîna pîşeyî mirine wan defin kirine.
Karkerên ku ji ber endamên Sendîkaya Derîteksê bûn ji SF Tradeyê ji kar hatin derxistin, gotin heta vegerin ser karê xwe wê têbikoşin.
Qeyûmê Mêrdînê, fiyetê avê buha kiribû û ji 2 TL'yan kiribû 6.25 TL. Mêrdîniyan bertek nîşan da û ji bo qeyûmên ku şaredarî heta qirikê di nav deynan de hiştiye gotin: "Ma me deyn kiriye?"
Wê KESK, roja şemiyê bi dirûşmeya "meaşekî ji bo jiyaneke mirovane mafê her kesî ye" li Îzmîrê mîtîngekê li dar bixe. Berdevkê Platforma Şaxên KESK'ê ya Îzmîrê Hasan Alî Kiliç ji bo mîtîngê gazî her kesî kir.
Ajovanên rawestgeha mînîbusan a Artemêtanê ku ji ber bihabûnê nikarin ji bin barê prîmê sîgortayê, bac û sotemeniyê derkevin, rojê 18 saetan dixebitin lê belê heqdesta wan tenê 70 TL ye.