Parlemneterê HDP'ê yê Stenbolê Mûsa Pîroglû, destnîşan kir ku îktîdar dixwaze kêmasiya di budçeyê de bi zemên fahîş bigire û got: "Ev jî tê wateya ku dê bacê bidin ser milê gelên xizan. Yanî wê gel şer fînanse bike."
Welatiyên ji ber krîza aborî nikarin debara xwe bikin, diyar kirin ku ew destvala ji bazarê vedigerin malê.
Cotkar bi deyn çandiniyê dikin. Serokê Komeleya Yekîtiya Hilberînerên Serarayan a Akdenîzê Tansel Îzgî, bal kişand ser zêdebûna maliyetê û got: "Em li bendê ne ku dewlet alîkariya me bike."
Li Kûşadasiyê ku piraniya karkerên çandiniyê Kurd in, havînan li ber germê û zivistanê jî di bin baranê de dixebitin. Lê berambariya vê ked û tahba wan tenê 70 lîre ye. Karkeran bal kişand ser zor û zehmtiyan û gotin: "Sîgorteya karkerên ji bajarên din tên tê razandin, lê ya me nayê razandin û em bi yewmiyeyê dixebitin."
Aborîzan Ozgur Muftuoglû, ji bo budçeya 2020'an ku berpêşî Meclîsa hat kirin anî ziman ku, budçeya ji bo parastinê hatiye veqetandin wê ji bêrîka gel derkeve û got: "Em ê bi nan û ava ku dikirin, em ê bi gaza xwezayî û ceryana ku xerc dikin bedêla vî şerî bidin."
Sendikaya Karkerên Madenê ya Serbixwe, têkildarî 27’emîn roja çalakiya karkerên Soma daxuyanî dan û diyar kirin ku dê bi berxwedanê tazmînatê bistînin.
Karkerê Sûriyeyî yê 22 salî û bavê 2 zarokan Muhammed El Ali li navçeya Torbalî ya Îzmirê dema di kargeriya mermer de dixebitî, blokê mermer bi ser de qelibî û jiyana xwe ji dest da.
Di pêşniyaza budçeya sala 2020'an ku peşkêşî Meclisê de hat kirin de, ji bo xerckirinên parastin û ewlehiyê 100 milyar TL hatiye veqetandin. Miqabilê vê yekê para ku ji polîtîkayên perwerde, tenduristî û civakî re hatiye veqetandin ji salên borî kêmtir e.
Aborîzan Mûstafa Dûrmûş ji bo budçeya 2020'an got: "Heta ji lêçûnên cemaweriyê, lêçûnên eskerî, ji îsrafê neyê kêmkirin, tu çi qasî bacê zêde dikî bike jî wê bêwate be."
Kesên teqawît bûne, bertek nîşanî meaşên ku distînin dan û diyar kirin ku bi vî meaşî nikarin wekî mirovan bijîn û wiha gotin: "Em naxwazin zarokên me jî wekî me bijîn. Dema em dijîn em naxwazin mohtacê tu kesî bin."
Platforma Şaxên KESK’ê yên Amedê di minasebeta salvegera bi sedan endamên wan hatin îxrackirin ragihandin heta endamên wan vegerin karê xwe dê têbikoşin.
Li Tirkiyê her tişt biha û krîza aborî dewam dike. Welatî diyar dikin ku krîza aborî bandorek neyînî li ser wan dike û ji ber rewşa krîza aborî tengasiya debarê dijîn.
10 karkerên li Herêma Pîşesaziyê ya Serbest a Tûzlayê dixebitîn û ji kar hatin derxistin, ji bo vegerin ser karê xwe her sibeh diçin ber fabrîkayê û doza karê xwe dikin.
Li Erziromê, sobevanan bilêv kirin ku ji ber li bajêr gaza xwezayî û amûrên germkirinê yên bi ceryanê dixebitin berbelav bûne, sobeyên ku çê dikin nikarin bifiroşin.
Aborîst Bahadir Ozgur, diyar kir ku hedefa mezinbûna Butçeya Rêveberiya Navendî ya ji sedî 5’an û zedebûna îstîhdama 1,5 milyonî ne li gorî rastiya welêt e û wiha got: "Bendewariya bi hatina ji OTV’ê ya ji sedî 20 an, nîşan dide ku 'Barana Zemê' li pêş me ye. Ji xwe Tirkiye ji ber deynan pirsgirêkên pir mezin dijî. Pirsgirêkên aboriya Tirkiye dê sala li pêş me du qat mezintir bibin."