Aborînas Prof. Dr. Azîz Konukman diyar kir ku heke Tirkiye operasyonek muhtemel li dijî Bakur û Rojhilatê Sûriyeyê pêk bîne dê bandorek neyînî li ser aboriyê bike û got: “Heke Tirkiye bikeve şerek wiha pêwîste gel fînansmaniya vî şerî bidarizîne.”
Bazarvanên li Mêrsînê, diyar kirin ku ji ber roja şemiyê kompleksa halê girtiye fiyat du qat zêde dibin û xwestin ev mesele bê helkirin.
Cemal Yildirim ê bi KHK’ê hatibû îxrackirin, li ber avahiya Rêxistina AKP’ê ya Enqereyê xwest çalakiya ji bo vegere karê pêk bînê ji aliyê polîsan ve hat binçavkirin.
Karkerên Carqillê ku ji ber endamê Sendîkaya Tek Gida-Îş'ê ne, ji kar hatine derxistin, 517 rojên çalakiya xwe didomînin. Karkeran diyar kirin ku ew pere naxwazin tenê karê xwe dixwazin.
Li Samsûnê Şerîf Arslan ji înşaetê ket û jiyana xwe ji dest da. Li Eskîşehîrê jî, Yakup Agrali yê di santrala hilbarîna betonê de di xebitî jiyana xwe ji dest da.
Her çend Erdogan bibêje, "Me bi nanê kesî neleyîstiye jî", qeyûman 5 hezar kes ji kar avêtin. Hevserokê KESK'Ê Mehmet Bozgeyîk, bilêv kir ku bi polîtîkaya qeyûman Rewşa Awarte hatiye mayîndekirin. Seroka Giştî ya DÎSK'ê Arzû Çerkezoglû jî ji bo "têkoşîneke hevpar" bang kir.
Esnafên bazara Sêrtê, bilêv kirin ku 20 sal in wekî niha serdemeke wisa zor ûz ehmet nedîtine û gotin: "Ne cotkar dikarin hilberînin ne jî em dikarin bifiroşin."
"Seraya Bêasteng" ku di bin banê Şaredariya Rêya Armûşê de hat vekirin û 12 welatiyên astengdar lê dixebitin, berên wê yên ewil gihan. Astengdarên li serayê dixebitin, gotin: "Piştî berên me gihan, hêviya me ya ji bo jiyanê zêdetir bû."
Mirovên bi meaşê kêmtirîn dixebitin êdî nikarin debara xwe bikin. Welatiyê bi navê Alî Akbaş, got: "Hikûmet wekî her tişt baş be tev digere" û Rûkiye Buyuk jî got: "Her ji wan tê li pişta me didin."
Hilberîna pîşesaziyê li gorî meha tîrmehê ya sala borî ji sedî 1.2 kêm bûye û li gorî mehek berê jî ji sedî 4 zêde bûye.
Li gundên çiyayî yên Pasûrê amadekariyên zivistanê dest pê kirin. Gundî, ji bo zivistanê dims, şûşe, toraq hwd. amade dikin.
Li navçeya dîrokî Pasûrê, nanê binê êgir hem bi çêja xwe hem jî taybetmendiya xwe ya têrkeriyî balê dikişîne.
Walî Mûstafa Yaman ku Wezareta Karên Navxweyî cara dudoyan wî kir qeyûmê Şaredariya Bajarê Mezin a Mêrdînê, 187 karker ji kar avêtin. Rêvebirê Sendîkaya Genel Îş'ê Mehmet Salîh Dogrûl, got bi zext û zoriyan û bi gefxwarinê ji karkeran dixwazin sendîkaya xwe biguherînin.
Welatiyên li Stenbolê bilêv kirin ku ji ber polîtîkayên çewt ên îktîdarê, ew bi enflasyoneke zêde re rû bi rû mane û gotin: "Em di halekî perşîna de ne. Ên dixwazin krîza aborî bibînin bila werin bazarê."
Her meh Gaza xwezayî, ceryan û komir zem dibe. Ji niha ve gel ketiye etra van zeman. Li Wanê welatiyan, bertek nîşanî polîtîkayên îktîdarê dan û gotin: "Bi zor û heft bela em zikê xwe têr dikin. Em ê çawa van fatûreyn bidin?"