Li Sêrtê dema çinîna fistiqan dest pê kir. Jinên fistiqan berhev dikin diyar kirin ku 75 lîre yewmiye didin jinan 120 lîre yewmiye jî didin jinan û gotin: “Em ji zilaman zêdetir kar dikin, lê heman heqî nadin me. Ev neheqî nebe lê çi ye?”
Seroka Giştî ya DÎSK’ê Arzu Çerkezoglu, di mîtînga bi armanca mafê EYT’iyan xwestin a li Qada Tandogan hat lidarxistin de axivî, ev tişt gotin: “Em mafê xwe dixwazin, ji kesekê sedeqe naxwazin. Heya ku ev pirsgirêk neyê çareser kirin emê têkoşîna xwe dewam bikin.”
Polîsan bi hinceta pankarta “Dest nede vîna min” berî du rojan bi ser Şaxên Egîtim Sen û SES ên Amedê girtibûn. Şaxên Egîtim Sen û SES’ê, diyar kirin ku xesp kirina vîna gel, bûye polîtîkayeke bingehîn a welat û gotin: “Em feraseta ku vînê tune dihesibîne qebûl nakin.”
Li Colemêrgê, gundiyan gihayê ku havînê ji bo heywanên xwe dirûtin, bi hatina payîzê re dikişînin gund. Berê gundiyan gihayê ku didirûtin zivistanê bi taxûkan dikişand, lê belê niha bi wesayîtan dikişînin.
Nûnerê DÎSK'ê yê Amedê Mehmet Şîrîn Gurbuz, bal kişand ser pêkanînên mobbîngî û derbarê mekanîzmayên ku kesên bi mobbîngê re rû bi rû dimînin û divê serî li wan bidin agahî parve kirin. Gurbuz, bilêv kir ku kesên dibêjin ew bi mobbîngê re rû bi rû dimînin divê heta dawiyê mafên xwe biparêzin.
Serokê Odeya Endezyarên Çandiniyê ya Amedê Abdûssamed Ûcaman, bilêv kir ku di 5 salên dawî de ji ber dermankirineke şaş, zirareke mezin gihaştiye pembû û populasyona kêzikan zêde bûye. Ûcaman, anî ziman ku kurmê kesk ji sedî 30 bereketa pembû kêm dike û xwest li dijî kêzik û kurman têkoşina biyolojîk pêş bixin.
Aborîzan Prof. Dr. Ahmet Şahînoz, diyar kir ku pîşesazî li Tirkiye biçûk dibe, ji ber zema li ser hev zêde dibe xizaniyê zêde dike û wiha got: "Çavkaniyên ku aboriya hundir û derve têxe nava tevgerê zuha bûne."
Li nav erdan kîloya îsota bi nav û deng a Rihayê bi lîre û nîvê ye, lê li ser dezgehan bi 5 lîreya ne. Hilberîneran, bilêv kirin ku îsal ji ber kurmik û kêzikan li baxçeyên wan xistiye berdariya îsotê kêm bûye û ji ber vê fiyetê wê îsal biha be.
KESK'ê, bertek nîşanî rapora TUÎK'ê ya meha tebaxê û enflasyonê da û diyar kir ku bi daneyên TUÎK'ê rastiya aborî û enflasyona li Tirkiye bincil dikin. KESK'ê destnişan kir ku daneyên TUÎK'ê li gorî raqamên li kolan û bazarê rastiya enflasyonê nîşan nade û tu eleqeya daneyên TUÎK'ê û enflasyonê bi hev tune ye.
Mehmet Emîn Yavûzer ku li Pirsûsê tesîsa gubreyê kurmikan ava kir, bi milyonek kurmik mehê 2 ton gubre çêdike.
Hala Kevn a Amedê ku berê rê û rêwanî lê tune bû, niha hema bêje terkeselatî bûye. Esnafan diyar kir ku hikûmet dixwaze bi zeman xwe xelas bike û gotin: "Ev lêlê ye, hîn lolo maye."
Li Kula, mîdîbusa karkerên diçûn komkirina tirî qulipî û di qezayê de 17 karker birîndar bûn.
Karkerên Tersaneyên Tuzla ku bi keda erzan û nîv heqî karên giran dikin, diyar kirin ku karê herî dijwar û talûke dikin û bi mirinê re rû bi rû ne. Karkeran destnîşan kirin ku li gorî nasnameya wan karbeşiyê dikin û ji mafê xwe yê sendîkayî bêpar in.
Qeyûmê Şaredariya Mêrdînê 150 karkeran ji kar derxist. DÎSK’ê banga “têkoşîna bi hev re” li karkeran kir.
Li Kocaeliyê 2 karkerên Nexweşxaneya Bajar a ji aliyê Şîrketa Gama Holding û Turkerler Holdingê ve înşaeta wê tê avakirin, piştî ji kar hatin avêtin, li baniyê nexweşxwaneyê çalakî li dar xistin.